2019-04-19 12:26:08, 1818 ნახვა

---

კობახიძე: რეგლამენტიდან ყველა გადახვევა არ არის დარღვევა - მათ შორის, როცა ვამატებთ ნახევარ წუთს, შეკითხვის დასმის დროს

რეგლამენტიდან ყველა გადახვევა არ არის დარღვევა - მათ შორის, როცა ვამატებთ ნახევარ წუთს, შეკითხვის დასმის დროს, - ამის შესახებ პარლამენტის თავმჯდომარე, ირაკლი კობახიძემ პარლამენტის პლენარულ სხდომაზე განაცხადა.

როგორც კობახიძემ აღნიშნა, პარლმანეტს სჭირდება უფრო მოქნილი მიდგომა, ვიდრე პედანტური.

„რეგლამენტიდან ყველა გადახვევა არ არის რეგლამენტის დარღვევა. ქალბატონი ხათუნა დამეთანხმება, ჩვენ არაერთხელ გვქონია პრაქტიკა ამასთან დაკავშირებით. გადაგვიხვევია არაერთხელ რეგლამენტისთვის, მათ შორის, როდესაც ვამატებთ ნახევარ წუთს, თითოეული შეკითხვის დასმის დროს. ეს არის რეგლამენტიდან გადახვევა, თუმცა, ბუნებრივია, გვჭირდება მოქნილი და არა პედანტური მიდგომა ასეთ დროს. ჩვენ ამ თვის განმავლობაში ასჯერ მაინც გადავუხვიეთ რეგლამეტს“, - განაცხადა ირაკლი კობახიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი