ფინანსთა მინისტრი ნოდარ ხადური კორექტირებულ ბიუჯეტთან დაკავშირებით ეროვნული ბანკის ყოფილი პრეზიდენტის, ეკონომიკურ საკითხებში ექსპერტის რომან გოცირიძის განცხადებას გამოეხმაურა.

ხადურმა მის შეფასებას აბსოლუტურად უპასუხისმგებლო უწოდა.

ფინანსთა მინისტრის თქმით, გოცირიძე აკეთებს ისეთივე განცხადებას, როგორც მართავდა საქართველოს ეკონომიკას კუპონის დროს.

„რომან გოცირიძე აკეთებს აბსოლუტურად უპასუხისმგებლო განცხადებებს. ის აკეთებს ისეთივე განცხადებებს, როგორც მართავდა საქართველოს კუპონების დროს. მისი განცხადებები აბსოლუტურად თითიდან გამოწოვილია. საუბრობს ვითომ სავარაუდო შემოსავლებზე ლიცენზიებიდან. მას შეუძლია ნახოს და გადაამოწმოს, რომ აღნიშნული ლიცენზიებიდან ფული უკვე შემოდის საქართველოს ბიუჯეტში. რა თქმა უნდა, დღევანდელ კურსზეა დათვლილი საქართველოს ბიუჯეტი. ჩვენ ნამდვილად შევამცირეთ ბიუჯეტის ხარჯვითი ნაწილი, სამინისტროებსა და უწყებებში. ამავე დროს, საქართველოში სტიქია მოხდა, ჩვენ გვიწევს თანხების მიმართვა სტიქიურ უბედურებებზე. თუ გოცირიძე სხვანაირად მოიქცევა, ძალიან მაინტერესებს, როგორ იქცეოდა მაშინ, ის როცა ვიცე-პრემიერი იყო ან ეროვნული ბანკის პრეზიდენტი, მეც ძალიან კარგად მახსოვს და საქართველოს მოსახლეობასაც და გაცვლით კურსზე მაშინ ენერვიულა“, - განაცხადა ნოდარ ხადურმა.

ფინანსთა მინისტრმა ასევე ექსპერტებს ობიექტური შეფასებების გაკეთებისაკენ მოუწოდა.

"ჩემი თხოვნაა ყველა ექსპერტისადმი, რომ გააკეთონ მხოლოდ ობიექტური შეფასებები, რადგან საზოგადოებას სწორი ინფორმაცია უნდა მივაწოდოთ. თუ ვინმეს ინფორმაცია არ აქვს, შეფასებებს ნუ გააკეთებს. ჩვენ მივაწვდით ინფორმაციას, თუ რას ემყარებოდა ჩვენი გათვლები, რა შემოსავლები იქნება, რა ხარჯები ექნება საქართველოს ბიუჯეტს და როგორ განვითარდება მოვლენები. არც აქამდე, გასული 6-7 თვის განმავლობაში, და არც ამის შემდეგ, საქართველოს ბიუჯეტს ლარის კურსზე დაწოლა არ ექნება. ამასაც სრული პასუხისმგებლობით ვამბობ. და ამას გუშინწინ თავად გოცირიძე ამბობდა სხვათაშორის“, - აღნიშნა ხადურმა.

შეგახსენებთ, ეროვნული ბანკის ყოფილი პრეზიდენტის "ეკონომიკური განვითარების ცენტრის" თავმჯდომარის რომან გოცირიძის შეფასებით, ბიუჯეტის კორექტირება რეალურად არ მომხდარა და მთავრობამ შემოსავლები და ხარჯები ლარის ახალი, გაუფასურებული კურსით გადათვალა. ამასთან, გუშინ ცნობილი გახდა, რომ სახელმწიფო ბიუჯეტი, დაახლოებით, 140 მილიონი ლარით მცირდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”