ორგანიზაცია „ამბრელას“ დამფუძნებელი ლუკა ფექირიშვილი ავლაბრის მეტროს მიმდებარედ, შენობის სახურავიდან გადმოხტომით იმუქრებოდა.

როგორც ფეიქრიშვილმა განაცხადა, მას ბოლო ოთხი თვის განმავლობაში, საპატრულო პოლიციის თანამშრომლები სისტემატიურად, უსამართლოდ აჯარიმებენ. მისი თქმით, ყოველივე ეს საპატრულო პოლიციის ერთ-ერთი მაღალჩინოსნის, ვინმე ჯოხაძის დაკვეთით ხორციელდება.

ფეიქრიშვილი შინაგან საქმეთა მინისტრის მისვლას ითხოვდა, თუმცა გიორგი გახარია ადგილზე არ მისულა. მან შენობის სახურავი საპატრულო პოლიციის დეპარტამენტის დირექტორის მოადგილე ვაჟა სირაძესთან ფასაუბრების შემდეგ დატოვა და აღნიშნა, რომ სირაძე პრობლემის მოგვარებას დაჰპირდა.

„სისტემატიურად მომდის ჯარიმები. ჩემი რამდენიმე მანქანა დედაჩემის სახელზეა გაფორმებული და ჯარიმების შესახებ შეტყობინებებს მობილურ ტელეფონზე ვიღებ. დღესაც რამდენიმე ჯარიმა მივიღე, მათ შორის 80-ლარიანი. ბოლო ოთხი თვის განმავლობაში ჩემი ჯარიმების ოდენობა დაახლოებით 3-4 ათასი ლარი შეადგინა. ვერ ვხვდები რას მერჩიან. თუ ჩემი ფულით უნდა ბიუჯეტის შევსება პირდაპირ თქვან და აქვე დავუყრი რაც მაქვს. პიროვნულად გიორგი გახარიას არ ვერჩი, უბრალოდ მინდა რომ ეს ყველაფერი შეწყდეს და ქალაქში თავისუფლად შევძლო გადაადგილება. ერთი რიგითი მოქალაქე ვარ, არც „ქოცები“ მაინტერესებს და არც „ნაცები“. ნუ მეთამაშებიან, მე ლუკა ფეიქრიშვილი ვარ და ჩემთან ასეთები არ გაუვათ“, - განაცხადა ფექირიშვილმა.

მანვე ზეწოლაში სუს-ის თანამშრომლებიც დაადანაშულა და აღნიშნა, რომ სახურავზე ყოფნის დროს სიტყვიერ შეურაცხყოფას აყენებდნენ და ქვებს ესროდნენ.

ადგილზე საპატრულო პოლიცია და სასწრაფო-სამედიცინო დახმარების ეკიპაჟები იყო მობილიზებული. სახურავის დატოვების შემდეგ ფეიქრიშვილს სამედიცინო დახმარება გაუწიეს.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს