საქართველოს პარლამენტში სახალხო დამცველის რეკომენდაციების შესრულების განხილვა გაიმართა.

შინაგან საქმეთა მინისტრის მოადგილე ნათია მეზვრიშვილმა, სახალხო დამცველის იმ რეკომენდაციების შესახებ ისაუბრა, რომელიც შინაგან საქმეთა სამინსიტროს ეხებოდა. მინისტრის მოადგილის განცხადებით, სამინისტროს მიერ რეკომენდაციების მნიშვნელოვანი ნაწილი შესრულებულია, ხოლო დარჩენილი მცირე ნაწილის შესრულება მიმდინარე პროცესშია.

„რეკომენდაციების მნიშვნელოვანი ნაწილი არის შესრულებული. არ ყოფილა ისეთი საკითხი რაზეც ჩვენ პრინციპული წინააღმდეგობა გვქონდა. არის რაღაც წვრილმანი საკითხები, რომელიც ახლაც მიმდინარე ფაზაშია, თუმცა ძირითადი რეკომენდაციები არის შესრულებული. იყო რეკომენდაციები დროებითი მოთავსების იზოლატორებში მდგომარეობის, ინფრასტრუქტურის გაუმჯობესებასთან დაკავშირებით და ეს ყველაფერი შესრულებულია. არაერთი ახალი იზოლატორი გავხსენით და გავარემონტეთ, თითოეულ დაკავებულზე  4 კვადრატული მეტრის მოთხოვნა, რომელიც ასევე წამების ევროპული კომიტეტის მოთხოვნაც იყო, ეს ნაწილიც შესრულებულია. იყო ცალკეული რეკომენდაციები ოჯახში ძალადობის და ქალთა მიმართ ძალადობის წინააღმდეგ ბრძოლის გასაუმჯობესებლად. ყველაზე მნიშვნელოვან რეკომენდაციად გამოვყოფდი სტატისტიკური მონაცემების წარმოების გაუმჯობესებას, რაც გაუმჯობესებულია. იგულისხმება 112-ში შემოსული შეტყობინებები ოჯახურ კონფლიქტებთან დაკავშირებით, რაც დიდი ხნის განმავლობაში პრობლემა იყო - ეს საკითხი მოვაგვარეთ. მნიშვნელოვანი რეკომენდაცია იყო ასევე, რისკის შეფასების ინსტრუმენტის და მონიტორინგის მექანიზმის დანერგვა, ოჯახში ძალადობის საქმეებზე და ეს რეკომენდაციას უკვე შესრულებულია. დისკრიმინაციული მოტივით ჩადენილ დანაშაულებზე იყო რეკომენდაცია და ყველამ კარგად იცის, აქ რამხელა პროგრესი გვაქვს. სამჯერ არის გაზრდილი მოტივის იდენტიფიცირების შემთხვევები, 150-ზე მეტი პირია პასუხისგებაში მიცემული. კამერებთან დაკავშირებით იყო რეკომენდაციები რომლებიც ასევე შესრულებულია, ეს არ იყო მხოლოდ სახალხო დამცველის რეკომენდაცია. როდესაც ჩვენ მოვედით შინაგან საქმეთა სამინისტროში, პირველი რაც ვთქვით, რომ კამერებით უნდა მოგვეხდინა პოლიციის დაწესებულებების აღჭურვა. დეპარტამენტებში, განყოფილებებში, სამმართველოებში კამერები დამონტაჟებულია,ფუნქციონირებს. ახალი სამხრე კამერებით არიან აღჭურვილი პატრულ-ინსპექტორები.

არის რაღაც რეკომენდაციები რომელიც არის ნაწილობრივ შესრულებული, იმიტომ რომ მიმდინარე პროცესშია. მაგალითად იყო ერთ-ერთი რეკომენდაცია დროებითი მოთავსების იზოლატორებში სამედიცინო პუნქტების გახსნა. ბუნებრივია 29-ვე იზოლატორში ერთ თვეში ვერ მოხერხდებოდა ამ ყველაფრის გაკეთება, ამიტომ ნაწილში უკვე გახსნილია, ნაწილში მიმდინარე პროცესია“, - განაცხადა ნათია მეზვრიშვილმა.

(NS)

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი