ტორტი პრეზერვატივისა და ირაკლი სესიაშვილის გამოსახულებით - „გირჩმა“ ბიბლიური თავისუფლების იუბილე აღნიშნა

2019-03-16 17:47:30, 1480 ნახვა

საზოგადოება

პოლიტიკური გაერთიანება „გირჩის“მიერ დაფუძნებული რელიგიური მოძრაობა „ბიბლიური თავისუფლება“ 2 წლის გახდა.

ორგანიზაციამ იუბილე პარტიის ოფისში აღნიშნა.

სპეციალურად „ბიბლიური თავისუფლების“ დაბადების დღისთვის გირჩის პარტნიორმა კომპანიამ გამოსახულებით პრეზერვატივი გამოუშვა.

„ჩვენმა პარტნიორმა ორგანიზაციამ „აი ისაა“-მ ირაკლი სესიაშვილის ფოტო გამოსახა თავიანთ პროდუქციაზე, პრეზერვატივზე შესაბამისად, ტორტზე ეს ფოტო ავსახეთ“, - განაცხადა ზურა ჯაფარიძემ.

საქმე ეხება, ირაკლი სესიაშვილი ინიციატივას, გაუქმდეს საკანონმდებლო ნორმა, რომლითაც მღვდელმსახურები სამხედრო სავალდებულო სამსახურის გადავადებით სარგებლობდნენ. თუმცა, ამ შემთხვევაში, მართლმადიდებელ ეკლესიას საუბარი არ ეხება. დეპუტატის განმარტებით, ზოგიერთი ორგანიზაციის მიერ აღნიშნული ნორმის არასამართლიანად გამოყენების გამო, სავალდებულო სამსახურში გაწვევის სისტემას მნიშვნელოვანი პრობლემები შეექმნა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები