დღეიდან უკრაინას და საქართველოს შორის მიმოსვლა ID ბარათებით არის შესაძლებელი

2019-03-01 09:36:35, 1272 ნახვა

საზოგადოება

დღეიდან უკრაინისა და საქართველოს მოქალაქეებს, ორივე ქვეყანაში გამგზავრება ID-ი ბარათებით შეუძლიათ.

"2019 წლის 1 მარტს ძალაში შედის უკრაინისა და საქართველოს მთავრობებს შორის განახლებული შეთანხმება სავიზო მოთხოვნების გაუქმების შესახებ. არსებულ უვიზო რეჟიმთან ერთად, დამატებით ამოქმედდება ID ბარათების ფორმის შიდა პასპორტების საფუძველზე ორი ქვეყნის მოქალაქეების ურთიერთმიმოსვლის დებულება“, - ნათქვამია უკრაინის საგარეო უწყების განცხადებაში.

ცნობისთვის, უკრაინისა და საქართველოს მოქალაქეებს ერთმანეთის ტერიტორიაზე ვიზის გარეშე ყოფნა ყოველწლიურად 90 დღის განმავლობაში შეუძლიათ. რაც შეეხება ID ბარათებს, ორი ქვეყნის მთავრობებმა შესაბამის შეთანხმებას ხელი გასული წლის ოქტომბერში მოაწერეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები