საჭიროების შემთხვევაში, სამართალდამცავი ორგანოებისთვის ავტომაგისტრალთან დაკავშირებული ყველა დოკუმენტაცია ხელმისაწვდომი იქნება. ამის შესახებ თბილისის მერმა დავით ნარმანიამ ჟურნალისტებს პრემიერის განცხადების კომენტირებისას უთხრა, რომლის თანახმად, სტიქიის გამოწვევი მიზეზებით, შესაძლოა, პროკურატურა დაინტერესდეს.
ნარმანიას თქმითვე, ავტომაგისტრალთან დაკავშირებით თავის დროზე ექსპერტიზის ბიუროს დასკვნა მომზადდა, ხოლო სტიქიის შემდეგ მერიამ დამატებითი დასკვნა მოამზადებინა.
"თავის დროზე მომზადდა პროექტი, რაზე დაყრდნობითაც მოხდა იქ შესაბამისი წყალგამტარების გაკეთება და გზის მშენებლობა.ამასთან დაკავშირებით არსებობს ექსპერტიზის ბიუროს დასკვნა.მას შემდეგ, რაც მოხდა სტიქია,  ჩვენ გავაკეთებინეთ დასკვნა და ეს ყველა დოკუმენტაცია იქნება ხელმისაწვდომი სამართალდამცავი ორგანოებისთვის, თუ ისინი შესაბამის საგამოძიებო მოქმედებებს დაიწყებენ",-განაცხადა  დავით ნარმანიამ.
მერის  განმარტებით, მისთვის ჯერჯერობით უცნობია, თუ რა წერია კონკრეტულად დასკვნაში, თუმცა ამბობს, რომ ის  ავტომაგისტრალს უკავშირდება.
"რა წერია დასკვნაში, არ მაქვს  დეტალურ ინფორმაცია, და ამის შესახებ მოგვიანებით გაცნობებთ, თუმცა ეს დასკვნა ავტომაგისტრალს უკავშირდება, ვინაიდან ავტომაგისტრალის მშენბელობისას მდინარე მის ქვეშ მოექცა და მდინარის კალაპოტი შეიზღუდა",-აღნიშნა დავით ნარმანიამ.
შესაძლოა თუ არა დადგინდეს რომელიმე მხარის ბრალეულობა, თბილისის მერის განცხადებით,  ამასთან დაკავშირებით პროკურატურამ უნდა იმსჯელოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ