2018-12-31 13:59:36, 1730 ნახვა

---

მეუფე პეტრე იაკობის განცხადებებზე: ძალიან არაადეკვატურია - სამწუხარო მდგომარეობაში იმყოფება თავად და ასევე საპატრიარქო

ჭყონდიდელი მიტროპოლიტი მეუფე პეტრე ცაავა ქორეპისკოპოსის მეუფე იაკობის განცხადებებს გამოეხმაურა. 

როგორც მეუფე პეტრემ აღნიშნა, საპატრიარქო არასახარბიალო მდგომარეობაში იმყოფებოდა. მან აგრეთვე ქორეპისკოპოსის განცხადებებს არაადეკვატური უწოდა. 

"ძალიან არაადეკვატური...განცხადებები გუშინ მოსმენილი ბოდბელი ეპისკოპოსისა, კიდევ ერთხელ წარმოაჩენს რა არასახარბიელო მდგომარეობაში, სამწუხარო მდგომარეობაში იმყოფება თავად და ასევე საპატრიარქო, რომლის სახეც არის ის ამ შემთხვევაში, როგორც ქორეპისკოპოსი", - განაცხადა მეუფე პეტრემ.

პეტრე ცაავა მიიჩნევს, რომ არსებულ პრობლემებს სინოდი ვერ აგვარებს და ამბობს, რომ დიდი კრება უნდა ჩატარდეს. 

"სინოდის სხდომები მთავრდება და პასუხგაუცემელი შეკითხვები რჩება. პრობლემებიც კი, არათუ აღმოფხვრილი და მოგვარებული, ზოგჯერ, უფრო მეტად გაღრმავებულია. ეს, რა თქმა უნდა, მიუთითებს კრიზისულ მდგომარეობაზე", - აღნიშნა მეუფე პეტრემ. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი