შსს-ს ცნობით, გოგოჭურმა და მასთან ერთად დაკავებულმა, პოლიციის გამოჩენის შემდეგ ბინიდან პისტოლეტები გადაყარეს

2018-12-06 10:34:33, 1619 ნახვა

სამართალი

შინაგან საქმეთა სამინისტროს ინფორმაციით, სამართალდამცველებმა პრეზიდენტის სიძის, მინდია გოგოჭურის და მასთან ერთად დაკავებული პირის დროებით საცხოვრებელი ბინის ჩხრეკისას ტყვია გაუმტარი ჟილეტი, ხოლო კორპუსის მიმდებარე ტერიტორიიდან 2 პისტოლეტი ამოიღეს.

უწყების ცნობით, პისტოლეტები ბინიდან დაკავებულებმა პოლიციის გამოჩენის შემდეგ გადმოყარეს.

„სამართალდამცველებმა თბილისში, ამაშუკელის ქუჩაზე მდებარე დაკავებულების დროებითი საცხოვრებელი ბინის ჩხრეკისას, ტყვია გაუმტარი ჟილეტი ამოიღეს. ასევე, კორპუსის მიმდებარე ტერიტორიიდან ამოღებული იქნა აღნიშნული პირების მიერ საცხოვრებელი ბინიდან გადმოყრილი 2 პისტოლეტი, რომლებზეც დანიშნულია შესაბამისი ექსპერტიზები. გ.რ. გადაყვანილ იქნა პენიტენციურ დაწესებულებაში, მ.გ. კი დროებითი მოთავსების იზოლატორში“, - აცხადებენ შსს-ში.

გამოძიება ცეცხლსასროლი იარაღის მართლსაწინააღმდეგო შენახვის და დანაშაულის შეუტყობინებლობის ფაქტებზე, საქართველოს სსკ-ს 236-ე მუხლის მე-3 ნაწილით და 376-ე მუხლის მე-2 ნაწილით მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები