„ეს იყო არჩევანი, რომელიც ჩვენმა მოსახლეობამ გააკეთა სახელმწიფოს სიმშვიდისთვის, გარანტირებული თავისუფლებისთვის და უკეთესი მომავლისთვის“, - ამის შესახებ „ქართული ოცნების“ ერთ-ერთმა ლიდერმა ეკა ბესელიამ ეგზიტპოლის პირველადი შედეგების შეფასებისას განაცხადა.

მან ამომრჩევლებს მადლობა გადაუხადა და აღნიშნა, რომ სალომე ზურაბიშვილის გამარჯვება პასუხისმგებლობის დიდ მანდატს წარმოადგენს.

,,მინდა განსაკუთრებული მადლობა გადავუხადო ქართველ ხალხს, ამომრჩეველს, რომელმაც კიდევ ერთხელ აჩვენა განსაკუთრებული სიბრძნე, განსაკუთრებული სახელმწიფოებრივი აზროვნება და კიდევ ერთხელ აჩვენა, რომ ხელისუფლების წყარო არის ხალხი. ხალხშია მთავარი ძალა. ჩვენმა ამომრჩეველმა, ჩვენმა საზოგადოებამ, გააცნობიერა ის რეალობა, ის აუცილებლობა, ის გარდაუვალი და პრინციპული არჩევანის აუცილებლობა, რამაც ეს შედეგი განაპირობა. ამიტომ მადლობა ქართველ ხალხს და ეს ნიშნავს პასუხისმგებლობის ძალიან დიდ მანდატს და ეს ნიშნავს იმას, რომ ჩვენ გვმართებს უფრო მეტი ენერგიით და კიდევ უფრო მეტი მზაობით შევხვდეთ ხალხის ასეთ გადმოდგმულ ნაბიჯს ჩვენკენ“, - განაცხადა ეკა ბესელიამ.

ცნობისთვის, 20:00 საათზე, საარჩევნო უბნების დახურვის შემდეგ, ტელეკომპანია „რუსთავი 2“-ისა და ტელეკომპანია „იმედის“ დაკვეთით ჩატარებული ეგზიტპოლების პირველადი შედეგები გამოქვეყენდა. ორივე ეგზიტპოლის თანახმად, არჩევნებში მმართველი გუნდის მიერ მხარდაჭერილი კანდიდატი სალომე ზურაბიშვილი ლიდერობს.

Edison research - სალომე ზურაბიშვილი 55% / გრიგოლ ვაშაძე 45%

Gallup International - სალომე ზურაბიშვილი 58% / გრიგოლ ვაშაძე 42%

ავტორი: ,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას