ზოოპარკის დირექტორი: გვაქვს ინფორმაცია, რომ ცხოველები ქალაქში არიან სადღაც გასულები

2015-06-14 16:20:22, 508 ნახვა

საზოგადოება

ზოოპარკის დირექტორის ზურაბ გურიელიძის განცხადებით, დაკარგული ცხოველების ზუსტი რაოდენობა ამ ეტაპზე არ იციან.
თუმცა აქვთ ინფორმაცია, რომ ისინი ქალაქში არიან.
მისივე თქმით, გაქცეული ცხოველების ძებნა ამ დრომდე მიმდინარეობს.
„სიტუაცია ძალიან მძიმეა. საკმაოდ დიდი რაოდენობის ცხოველები დაიღუპნენ. საბენიეროდ ნაწილის გადარჩენა მოვარხერხეთ. დაღუპულია ზოოპარკის სამი თანამშრომელი. მიდის გაწმენდითი სამუშაოები, ვეძებთ ცხოველებს, არ ვიცით ზუსტი რაოდენობა. გვაქვს ინფორმაცია, რომ ქალაქში არიან სადღაც გასულები, ამიტომაც ვეძებთ ცხოველებს“,--განაცხადა გურიელიძემ.
მისივე თქმით, ნაპოვნ ცხოველებს კვლავ ზოოპარკში დააბრუნებენ.
„რასაც იპოვიან აქ მოიყვანენ. ჯერჯერობით ქალაქში არცერთი ცხოველი არ უპოვიათ აქვე ვიპოვეთ ადგილზე ერთი გარეული ღორი იყო გაქცეული, დავიჭირეთ და დავაბრუნეთ. ნაწილი ცხოველებისა გადავარჩინეთ. ბეჰემოტი, რომელიც გმირთა მოედანზე იყო მივიყვანეთ უკან. სამწუხაროდ ლომების, ვეფხვების, მაიმუნების გადარჩენა ვერ მოხერხდა. მაიმუნებს გამოსვლის შესაძლებლიბა არ ჰქონდათ, მათ ცურვა არ იციან და დაიხრჩვნენ“,-განაცხადა ზოოპარკის დირექტორმა.