შსს-ს მომსახურების სააგენტოს თანამშრომლებმა სისხლი ჩააბარეს

2015-06-13 13:44:08, 451 ნახვა

საზოგადოება

დონაციის საერთაშორისო დღესთან დაკავშირებით შინაგან საქმეთა სამინისტროს მომსახურების სააგენტო აქციას „გაიღე სისხლი გადაარჩინე სიცოცხლე“-ს შეუერთდა.

სააგენტოს ხელმძღვანელებმა და 100 მდე თანამშრომელმა მ.იაშვილის კლინიკასთან არსებულ სისხლის ბანკს ლეიკემიით დაავადებული ბავშვებისთვის სისხლი უანგაროდ ჩააბარეს.

შს სამინისტრო რამდენიმე წელია თანამშრომლობს მ. იაშვილის სახელობის კლინიკასთან არსებულ „სისხლის ბანკთან“. აღნიშნულ აქციაში უწყების მონაწილეობის მიზანია ლეიკემიით დაავადებული ბავშვებისთვის საჭირო სისხლისა და სისხლის კომპონენტების დეფიციტის შემცირება.

სისხლის დონორთა საერთაშორისო დღე - 14 ივნისი ყოველწლიურად მთელი მსოფლიოს მასშტაბით აღინიშნება. აქციის მიზანია ამ კუთხით საზოგადოების ცნობიერების ამაღლება და სისხლის ჩაბარების ტრადიციის დამკვიდრება სხვადასხვა ქვეყანაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან