"მიხეილ სააკაშვილი ჩემი მეგობარია", - ამის შესახებ გაერთიანებული ოპოზიციის "ძალა ერთობაშია" პრეზიდენტობის კანდიდატმა გრიგოლ ვაშაძემ Deutsche  Welle-სთან ინტერვიუში განაცხადა.

ამასთან, ვაშაძის თქმით, ის ყოველთვის დამოუკიდებელი პოლიტიკოსი იყო. პრეზიდენტობის კანდიდატმა იმაზეც ისაუბრა, თუ რატომ შეიწყალებს მიხეილ სააკაშვილს არჩევნების მეორე ტურში გამარჯვების შემთხვევაში.

"საქართველოში ყველამ იცის, რომ აბსოლუტურად დამოუკიდებელი ვარ. როდესაც მთავრობაში ვმუშაობდი, 2008-2012 წლამდე, მაშინაც დამოუკიდებელი ვიყავი. არ ვიყავი პარტიის წევრი და შესაბამის შემოთავაზებაზე უარი ვთქვი. რაც შეეხება პრეზიდენტ მიხეილ სააკაშვილს, ის ჩემი მეგობარია. როგორც ყველა გონიერი მოქალაქე, მადლობელი ვარ, რომ საქართველო თანამედროვე ქვეყნად აქცია. მას უნდა ჰქონდეს უფლება იცხოვროს საქართველოში, ამიტომ უნდა დაუბრუნდეს ამ ქვეყნის მოქალაქეობა. თუ საგამოძიებო ორგანოებს მასთან კითხვები აქვთ, მაშინ მან, ამ კითხვებს უნდა უპასუხოს. თუ მას საქართველოში თავისი პოლიტიკური მომავლის შექმნა სურს, შესაბამისი გადაწყვეტილება ქვეყნის მოსახლეობამ უნდა მიიღოს", - განაცხადა ვაშაძემ.

კითხვაზე - თუ პრეზიდენტის თანამდებობას დაიკავებს, დაუბრუნებს თუ არა მიხეილ სააკაშვილს საქართველოს მოქალაქეობას, ვაშაძემ დადებითად უპასუხა.

"კი, დავუბრუნებ მოქალაქეობას, აგრეთვე მე მას შევიწყალებ. თუმცა მხოლოდ მის შეწყალებას არ ვაპირებ, ასევე შევიწყალებ ყველა პოლიტპატიმარს. შევიწყალებ იმ პატიმარ ქალებს, რომლებსაც განსაკუთრებული დანაშაული არ ჩაუდენიათ და რომლებსაც ჰყავთ შვილები. ამას ძალიან მალე გავაკეთებ, ალბათ თანამდებობის დაკავებიდან 2-3 თვეში. როგორც იურისტმა, მსურს რომ სამართალმა იზეიმოს და საქართველოს მესამე პრეზიდენტი მიიღებს აქ ცხოვრების უფლებას. გამოიყენებს თუ არა ის ამ უფლებას, მისი გადასაწყვეტია, თუმცა ჩვენი ვალია მივცეთ ამის შესაძლებლობა. ის ჩემი მეგობარია, მაგრამ თუ ჩვენი პოლიტიკური შეხედულებები ერთმანეთისგან განსხვავებული იქნება, ყველაფერს გავაკეთებ, რომ მეგობრობა შევინარჩუნოთ", - აღნიშნა გრიგოლ ვაშაძემ.  

ავტორი: ,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი