„გირჩს“ რომ არჩევნებში  100 ათასი ხმა მიეღო, ვერავინ ვერ გაბდავდა, საპატრიარქოს კულუარებში, მწეველების ბედის გადაწყვეტას“, - ასე გამოეხმაურა პოლიტიკური გაერთიანება „გირჩის“ თავჯდომარე, იაგო ხვიჩია „ექსპრესნიუსთან“ საუბრისას, კანაფის კულტივაცია/ექსპორტის შესახებ კანონპროექტს, პარლამენტიდან გაწვევის ფაქტს.

როგორც ხვიჩიამ განაცხადა, მმართველი გუნდი ნარკოპოლიტიკასთან დაკავშირებულ საკითხებს, საპატრიარქოსთან ათანხმებს და შემდეგ იღებს გადაწყვეტილებებს.

ამასთან, მისი თქმით, საპატრიარქო და ხელისუფლება ადამიანების თავისუფლებას ერთობლივად ებრძვიან.

„საქართველოს მთავრობა და საპატრიარქო შეთანხმდა, რომ გააგრძელოს ადამიანებთან ასეთი არაადამიანური დამოკიდებულება. საბოლოო ჯამში, ეს განაპირობა იმან, რომ  ამ არჩევნების შედეგებმა უბიძგა  ხელისუფლებას ამისკენ.  ერთ მხარეს, საღ აზრზე  იყო „გირჩი“  და მეორე მხარეს კი სხვა ყველა პოლიტიკური პარტია. ისინი ებრძოდნენ ადამიანის თავისუფლებას. რადგანაც ჩვენ არჩევნებში 36 ათასი ხმა მივიღეთ, ხელისუფლებამ ჩათვალა, რომ მათ არაფერი არ აქვთ შესაცვლელი პოლიტიკაში და შეუძლიათ მხოლოდ ატერორონ ხალხი. ეს გამოწვია იმ არჩევნებმა, რომელიც ჩვენ ახლა გვქონდა და გამოიწვია იმ ადამიანების პასიურობამ, რომლებიც ამ თემით იყო დაინტერესებული. ჩვენ, რომ მიგვეღო არჩევნებში 100 ათასი ხმა, დამიჯერეთ, რომ ვერავინ ვერ გაბედავდა  ამ ადამიანებზე, მწეველებზე ასე საუბარს და მათი ბედის გადაწყვეტას, საპატრიარქოს კულუარებში. საკმაოდ ცუდი შედეგი გვაქვს, თუმცა ბრძოლა არ დამთავრებულა და ადამიანები უნდა ვიყოთ ძალიან ყურადღებით სხვა გამარჯვებებიც რომ არ დავთმოთ მარტივად“, - განაცხადა იაგო ხვიჩიამ.

ავტორი: ,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი