აჭარის მთავრობის თავმჯდომარე თორნიკე რიჟვაძემ საქართველოში წითელი ჯვრის საერთაშორისო კომიტეტის (ICRC) დელეგაციის ხელმძღვანელთან სევერინ შაპაზთან გაცნობითი  ხასიათის შეხვედრა გამართა.

აჭარის მთავრობის პრესსამსახურის ინფორმაციით, მხარეებმა ისაუბრეს ICRC-ის, როგორც ნეიტრალური ორგანიზაციის როლზე  საერთაშორისო თუ ეროვნული დონის პრობლემების მოგვარების პროცესებში.

თორნიკე რიჟვაძემ ხაზი გაუსვა მსოფლიოს კონფლიქტურ ზონებში მშვიდობის, უსაფრთხოებისა და სტაბილურობის შენარჩუნების კუთხით წითელი ჯვრის ჩართულობის მნიშვნელობას. მთავრობის თავმჯდომარემ მადლობა გადაუხადა ორგანიზაციის ხელმძღვანელს აფხაზეთისა და ოსეთის კონფლიქტების შედეგად უგზო-უკვლოდ დაკარგული ადამიანების მოძიების პროცესში აქტიური ჩართულობისთვის.

აღინიშნა, რომ 2011 წლიდან ქ. ბათუმში მოქმედებს საქართველოს წითელი ჯვრის მიერ დაარსებული ბათუმის ხანდაზმულთა დღის სოციალური ცენტრი, სადაც ყველა პირობაა დაცული ხანდაზმულთა შეკრებისა და მათი საზოგადოებრივ საქმიანობაში ინტეგრაციისათვის.

მთავრობის ადმინისტრაციაში გამართულ შეხვედრას  წითელი ჯვრის საერთაშორისო კომიტეტის წევრები ესწრებოდნენ.

(NS)

ავტორი: ,

სოციალური ქსელები

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს

პროკურატურამ ფორმულას მიმართ აღძრულ საქმეზე გამოკითხვაზე ოპერატორი მიშო მარტაშვილი დაიბარა

პოეტი ტარიელ ჭანტურია გარდაიცვალა

რუსეთიდან საქართველოში ამანათები 474%-ით გაიზარდა