დაბის და შუბნის ბაგა-ბაღებზე სამუშაოები აქტიურად მიმდინარეობს

2018-10-29 17:19:11, 677 ნახვა

რეგიონი

აქტიურად მიმდინარეობს სამუშაოები დაბის ბაგა-ბაღზე. პროექტის მიხედვით შენობას სრული კაპიტალური რემონტი უტარდება.

შენობის ექსპლუატაციაში შესვლის შემდეგ განახლებული ინფრასტრუქტურით 110 აღსაზრდელი ისარგებლებს.

დღის მდგომარეობით დასრულებულია შავი სამუშაოები, გადაიხურა შენობის სახურავიც. მიმდინარეობს ელექტრო გაყვანილობის მონტაჟი, წყლისა და საკანალიზაციო სისტემის მოწყობა და გარე ფასადის დამუშავება.

225 000 ლარის სამუშაოებს შპს ,,ბილდ მენეჯმენტი“ ახორციელებს.სამუშაოებზე დასაქმებულია 10-ამდე ადგილობრივი.

სამშენებლო სამუშაოები მიმდინარეობს შუბნის ბაგა-ბაღზეც. ამ დროისათვის დასრულდა შენობის გარე ფასადის დარჩენილი ნაწილის შეღებვითი სამუშაოები, მიმდინარეობს ეზოს კეთილმოწყობა და შიდა მოსაპირკეთებელი სამუშაოები.

მიმდინარე პროექტს შპს ,,მეგა +“ აწარმოებს, რომლის სამუშაოებზე 57 000 ლარამდე დაიხარჯება.

ბაგა-ბაღებზე მიმდინარე სამუშაოები შუახევის მერის მოადგილე ომარ ტაკიძემ ინფრასტრუქტურული ღონისძიებების მიმღებ კომისიის წევრებთან ერთად დაათვალიერა.