ხორავას ქუჩაზე მოკლული დავით სარალიძის მამა, ზაზა სარალიძე სამედიცინო დაწესებულებაში დღეს მისმა ადვოკატმა მოინახულა.

ნესტან ლონდარიძემ ჟურნალისტებთან საუბრისას განაცხადა, რომ სარალიძის მდგომარეობა სტაბილურია და მისთვის საავადმყოფოში ყველა საჭირო პირობაა შექმნილი.

„მე ვინახულე და შევხვდი ზაზა სარალიძეს. ის იმყოფება პალატაში ექიმების მეთვალყურეობის ქვეშ. მას აქვს ყველა პირობა შექმნილი იმისთვის, რომ ჯანმრთელობის მდგომარეობა დაირეგულიროს. ხელშეწყობა არსებობს. იგი არის მშვიდ ვითარებაში, შემიძლია ეს ნამდვილად დაგიდასტუროთ. მას აქვს ყველა საჭირო პირობა შექმნილი საავადმყოფოში. რაც შეეხება ბრალის წარდგენას ველოდებით და სავარაუდოდ ეს ხვალ უნდა იყოს, თუმცა დეტალურად ამაზე ინფორმაცია არ მაქვს, სამართლებრივად მივყვებით პროცედურებს, თუმცა მე როგორც ადვოკატი ვიტოვებ უფლებას რომ არ ვისაუბრო დეტალურად იმ გარემოებებთან დაკავშრებით რას ვაპირებთ და რა იქნება ჩენი პოზიცია. ამ ეტაპზე ჩვენთვის მნიშვნელოვანია მისი მდგომარეობა და ნამდვილად დადებითად მინდა შევაფასო რა მდგომარეობაც მე იქ ვნახე და რა ვითარებაშიც იმყოფება“, - განაცხადა ნესტან ლონდარიძემ.

ცნობისთვის, გუშინ პარლამენტთან სამართალდამცველებსა და ზაზა სარალიძეს შორის ინციდენტი მოხდა, რა დროსაც პოლიციამ სარალიძე დააკავა. შსს-ს ცნობით, ის სამართალდამცველებს მოვალეობის შესრულების დროს თავს დაესხა. განყოფილებაში გაადაყვანილი სარალიძე შეუძლოდ გახდა და ის საავადმყოფოში გადაიყვანეს.

ავტორი: ,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით