ამერიკის შეერთებული შტატების პრეზიდენტის დონალდ ტრამპის განცხადებით, ყოფილი და მოქმედი მაღალი თანამდებობის პირებისთვის ასაფეთქებელი მოწყობილობების გაგზავნის საქმეზე გამოძიება ფედერალურ დონეზეა დაწყებული.

შესაბამისი განცხადება ტრამპმა თეთრ სახლში გამართულ ბრიფინგზე განაცხადა, რომელის აღნიშნულ საკითხს ეძღვნებოდა. ბრიფინგს ასევე, იუსტიციის მინისტრი, გამოძიების ფედერალური ბიუროს და საიდუმლო სამსახურის ხელმძღვანელი პირებიც ესწრებოდნენ.

დონალდ ტრამპმა ამერიკის მოსახლეობას ერთად დგომისკენ მოუწოდა.

"ამერიკელი ხალხის უსაფრთხო ჩემი უმთავრესი პრიორიტეტია. გავმართე შეხვედრა ყველა შესაბამისი უწყების წარმოამადგენელთან, რათა განხილულიყო ამ დღეებში ასაფეთქებელი მოწყობილობების გაგზავნა ყოფილ და მოქმედ მაღალი რანგის პირებთან. გადავწყვიტე, რომ გამოძიება ფედერალურ დონეზე დაწყებულიყო. ამანათებს უმაღლესი რანგის ექსპერტები ამოწმებენ. ჩვენ ვმუშაობთ, რომ ამ საზარელი აქტის ჩამდენი პირები პასუხისგებაში მივცეთ. ამისთვის ძალებს არ დავიშურებთ. ასეთ დროს მკაფიო მესიჯი უნდა გავუგზავნოთ ყველას, რომ მუქარისა და პოლიტიკური ძალადობის აქტების ადგილი აშშ-ში არ არის", - განაცხადა თეთრი სახლის ლიდერმა.

ცნობისთვის, უცნობმა პირებმა ასაფეთქებელი მოწყობილობები კლინტონების სახლში, CNN-ის ოფისში, ბარაკ ობამას ოფისში, თეთრ სახლსა და ნიუ-იორკის მერთან გააგზავნეს. გარდა ამისა, რამდენიმე დღის წინ ასაფეთქებელი მოწყობილობა მილიარდერის ჯორჯ სოროსის სახლთანაც იპოვეს. 

ავტორი: ,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს