ივანიშვილი ხორავას საქმეზე - არსად იკვეთება, რომ ხელისუფლებას ჰქონდა ინტერესი, ვიღაცისთვის ხელი დაეფარებინა

2018-10-24 00:15:00, 1431 ნახვა

კომენტარი

„საგამოძიებო კომისიამ ვერაფერი მსგავსი მინიშნებაც ვერ გააკეთა, რომ დღევანდელ ხელისუფლებას ჰქონდა განსაკუთრებული ინტერესი, ვიღაცისთვის ხელი დაეფარებინა ან რაღაც დაეფარა“, - ამის შესახებ „ქართული ოცნების“ თავმჯდომარე ბიძინა ივანიშვილმა ხორავას ქუჩის საქმესთან დაკავშირებით განაცხადა.

როგორც ივანიშვილმა აღნიშნა, დღევანდელი ხელისუფლების ერთადერთი ინტერესი არის ის, რომ საქმეზე გამოძიება რაც შეიძლება სწორად წარიმართოს.

ძალიან ბევრმა მოახერხა ამ საქმის გირგვლიანის საქმესთან გაიგივება და ეს არის ძალიან დიდი ცინიზმი და ძალიან დიდი უზნეობა თუ გნებავთ. არსად არ იკვეთება, რომ დღევანდელ სახელმწიფოს და დღევანდელ ხელისუფლებას რაიმე ინტერესი ჰქონდა ამ კომისიაში და იმ კომისიამაც ვერაფერი მსგავსი ვერ აჩვენა. სახელმწიფოს და დღევანდელი ხელისუფლების ინტერესი არის ერთადერთი, რომ ეს გამოძიება იყოს რაც შეიძლება სწორად წარმართული და დროში დასრულებული და დროში, ჯერ ეს დაგვიანებული არაა კიდევ გიმეორებთ, სასამართლო მიმდინარეობს. საგამოძიებო კომისიამ ვერაფერი მსგავსი მინიშნებაც ვერ გააკეთა, რომ დღევანდელ ხელისუფლებას ჰქონდა განსაკუთრებული ინტერესი, ვიღაცისთვის ხელი დაეფარებინა ან რაღაც დაეფარა. ის რომ მაშინდელმა პროკურორმა შოთაძემ მოახერხა და დააკმაყოფილა მაღალი სტანდარტები, ის რომ მოსამართლემ არ გაიზიარა პროკურატურის პოზიცია და სწორედ ეს გახდა იმ მიტინგის და ვნებათაღელვის საწყისიც და მიზეზიც, რომ მოსამართლემ არ გაიზიარა პროკურატურის მტკიცებულებები და ეს გახდა ყველაფრის მიზეზი. ამ დროს გვიკიჟინებენ, რომ ჩვენ ვმართავთ სასამართლოს, რომ პროკურატურა მართავს სასამართლოს. სასამართლომ არ გაიზიარა პროკურატურის მტკიცებულება და ამას შეეწირა მთავარი პროკურორი, რომელიც რამდენად სწორად გადადგა, ჯერ კიდევ არ ვიცით, იმიტომ რომ მეორე ინსტანციის სასამართლო არ დასრულებულა“, - განაცხადა ბიძინა ივანიშვილმა.