ბახტაძე პრეზიდენტის ინიციატივაზე: მინისტრთა კაბინეტის შეხვედრას ჩვეულებრივი განრიგით ვატარებთ

2018-10-17 10:11:49, 1422 ნახვა

კომენტარი

პრემიერ-მინისტრი მამუკა ბახტაძე მთავრობის საგანგებო სხდომის მოწვევას არ აპირებს.

პრემიერმა პრეზიდენტ გიორგი მარგველაშვილის ინიციატივას უპასუხა და აღნიშნა, რომ სხდომები ჩვეულებრივი განრიგით ჩატარდება. მანვე დასძინა, რომ მზად არის პრეზიდენტს ყველა საკითხზე ესაუბროს.

"საქართველოში მინისტრთა კაბინეტის შეხვედრას ვატარებთ ჩვეულებრივი განრიგით და ჩვეულებრივი რეჟიმით, ბუნებრივია ჩვენ მზად ვართ ნებისმიერ საკითხზე სასაუბროთ, რაც შეეხება განსახილველ საკითხებს, ამას არეგულირებს შესაბამისი საკანონმდებლო ჩარჩო და ამის შესახებ მთავრობის ადმინისტრაცია განცხადებას აუცილებლად გააკეთებს" ,- განაცხადა მამუკა ბახტაძემ.

ცნობისთვის, საქართველოს პრეზიდენტი გიორგი მარგველაშვილმა, პრემიერ-მინისტრ მამუკა ბახტაძეს მთავრობის სხდომის მოწვევის ინიციატივით მიმართა და მასზე დასწრების სურვილი გამოთქვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები