აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე აჭარის განათლების, კულტურისა და სპორტის მინისტრთან, ინგა შამილიშვილთან ერთად, კინოფილმის "ნამე" რეჟისორს ზაზა ხალვაშს და ფილმის შემოქმედებითი ჯგუფის წევრებს შეხვდა. 

თორნიკე რიჟვაძემ კინომატორგაფებს ის წარმატება მიულოცა, რომელიც ფილმმა "ნამემ" საერთაშორისო კინოფესტივალებზე მოიპოვა. განსაკუთრებული კმაყოფილება გამოითქვა აჭარაში გადაღებული ქართული ფილმის მსოფლიოს ყველაზე პრესტიჟულ - ამერიკის კინოაკადემიის დაჯილდოების 91-ე ცერემონიალზე წარდგენის გამო. 

ფილმის რეჟისორმა ზაზა ხალვაშმა აჭარის მთავრობის თავმჯდომარეს სამომავლო გეგმები გააცნო. 

"ნამე" ეროვნული კინოცენტრის მხარდაჭერით შექმნილი ფილმია, რომელიც საქართველო-ლიტვა-საფრანგეთის კოპროდუქციაა. ფილმის პრემიერა ტოკიოს საერთაშორისო კინოფესტივალის მთავარ საკონკურსო პროგრამაში შედგა, შემდეგ კი იგი ვილნიუსის და სოფიას კინოფესტივალებზეც აჩვენეს. "ნამე" სამხრეთ-დასავლეთ საქართველოს მთებში, ერთ პატარა, ტრადიციულ სოფელში მცხოვრები მოხუცი მამის, მისი ქალიშვილი ნამეს და სამი ვაჟის შესახებ მოგვითხრობს. ძმებიდან ერთი მასწავლებელია, მეორე – მოლა, ხოლო მესამე – მღვდელი. სოფელში მაჰმადიანები და მართმადიდებლები ერთად ცხოვრობენ. სოფლის ერთ ბოლოში ეკლესია დგას, მეორე ბოლოში კი მეჩეთია. 

თორნიკე რიჟვაძემ კინოფილმ "ნამეს" და მის შემოქმედებით ჯგუფს წარმატებები უსურვა.

(NS)

ავტორი: ,

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა