ამ წუთებში, სასწავლო პროცესის განახლებასთან დაკავშირებით, აჭარის ა/რ ჯანმრთელობისა და სოციალური დაცვის სამინისტროსა და აჭარის ა/რ განათლების, კულტურისა და სამინისტროს ერთობლივი საინფორმაციო შეხვედრა მიმდინარეობს.

შეხვედრის მიზანს ბავშვთა ორგანიზებული დაწესებულებების სასწავლო პროცესისათვის მზადყოფნის ხელშეწყობა წარმოადგენს.

შეხვედრას მინისტრები, ზაალ მიქალაძე და ინგა შამილიშვილი, სოციალური მომსახურების სააგენტოს აჭარის ფილიალის, რესურსცენტრების, ბაღების გაერთიანებებისა და პირველადი ჯანდაცვის რგოლის წარმომადგენლები ესწრებიან.

შეხვედრაზე ყურადღება გამახვილდება სკოლის მოსწავლეებისა და საბავშვო ბაღის აღსაზრდელთა ჯანმრთელობის დაცვის მიზნით, პირველადი პრევენციული ღონისძიებებით უზრუნველყოფაზე, ორგანიზებული ჯგუფების იმუნური სტატუსის სრულყოფაზე, მოსწავლეთა, მშობელთა და პედაგოგთა ცნობიერების გაზრდაზე პრიორიტეტულ დაავადებათა პრევენციის შესახებ. აჭარის ა/რ ჯანმრთელობისა და სოციალური დაცვის სამინისტროსა და საზოგადოებრივი ჯანდაცვის ცენტრის მიერ წარდგენილ იქნება ინფორმაცია ქვეყნისა და რეგიონის დონეზე არსებული ეპიდსიტუაციის შესახებ, ვაქცინოპროფილაქტიკის მნიშვნელობის, 2018 წელს ეპიდემიის სალიკვიდაციოდ გატარებული და დაგეგმილი ღონისძიებების შესახებ. ასევე გაიცემა რეკომენდაციები ორგანიზებულ დაწესებულებებში (სკოლკებსა და ბაღებში) ჰიგიენური წესების დაცვის შესახებ.

(NS)

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”