"საარჩეევნო სისტემაში ცვლილებების ვარიანტი ბიძინა ივანიშვილმა შემოგვთავაზა", - ამის შესახებ საპარალამენტო უმრავლესობის ლიდერმა დავით საგანელიძემ ჟურნალისტებს განუცხადა.

შეხვედრა უმრავლესობასთან კოალიცია "ქართული ოცნების" ოფისში მიმდინარეობდა, რომელსაც ბიძინა ივანიშვილიც დაესწრო.

საგანელიძის თქმით, საარჩევნო სისტემის მოდელზე შეჯერება რთული იქნება.

"თქვენ წარმოგიდგენიათ, რომ 85 დეპუტატი ერთ პოზიციაზე ყოფილიყო?  არსებობს განსხვავებული პოზიციები და რთული იქნება შეჯერება, მაგრამ ყველაფერს გავაკეთებთ იმისათვის, რომ ასეთ სერიოზულ გადაწყვეტილებებზე კონსესუსი არსებობდეს.ბევრი ვიმსჯელეთ და შევთანხმდით ერთ რამეზე: საარჩევნო კოდექსი აუცილებლად შესაცვლელია, ბიძინა ივანიშვილმა ეს ვარიანტი შემოგვთავაზა, ვერ ვიტყვი რომ მისი შემოთავაზებული ვარიანტი საერთოდ არ იყო განხილული, უფრო ზუსტად ივანიშვილი იყო ამ ვარიანტის მომხრე. ჩემთვის და ბევრისთვის შემოთავაზება არ იყო გადამწყვეტი, იგი ჩავთვალეთ როგორც ბიძინას პოზიცია" - განაცხადა დავით საგანელიძემ.

ცნობისთვის, საპარლამენტო უმრავლესობის დღევანდელ სხდომაზე მიიღეს გადაწყვეტილება, რის მიხედვითაც, 2016 წლის საპარლამენტო არჩევნები, დღეს მოქმედი შერეული საარჩევნო სისტემის მიხედვით ჩატარდება. ამავდროულად გათვალისწინებული იქნება საკონსტიტუციო სასამართლოს გადაწყვეტილება, რომლითაც მაჟორიტარულ ოლქებსა და ამომრჩეველთა რაოდენობას შორის დისბალანსი შემცირდება და 50 პროცენტიანი ბარიერი დაწესდება. 

მიღებული გადაწყვეტილებით, 2016 წლის შემდგომი საპარლამენტო არჩევნები, მრავალმანდატიანი, პროპორციული წესით ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.