აჭარის მთავრობა ხანძრითა და სტიქიით დაზარალებულ 12 ოჯახს დაეხმარება

2015-06-05 19:00:39, 524 ნახვა

საზოგადოება

აჭარის ავტონომიურ რესპუბლიკაში სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომა ჩატარდა.

აჭარის ჯანდაცვის სამინისტროს ინფორმაციით, სხდომაზე კომისიის წევრებმა ბათუმის, ქობულეთისა და ხულოს მუნიციპალიტეტებში სტიქიისა და ხანძრის შედეგად დაზარალებული 15 ოჯახის დახმარების საკითხი განიხილეს.

აქედან, კომისიამ დადებითი გადაწყვეტილება მიიღო 12 ოჯახის თაობაზე, მათ ფინანსური დახმარება აჭარის ა/რ რესპუბლიკური ბიუჯეტის სარეზერვო ფონდიდან გამოეყოფათ. ხოლო, 3 ოჯახთან დაკავშირებით კომისიის წევრებმა წარმოდგენილი დოკუმენტაცია არ მიიჩნიეს სრულად და შესაბამის მუნიციპალიტეტებს დაავალეს დაზუსტებული ინფორმაციის უმოკლეს ვადაში წარმოდგენა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან