აჭარის მთავრობის თავმჯდომარე თორნიკე რიჟვაძე ქობულეთის მუნიციპალიტეტში ჩაქვი-ხალა-ჩაქვისთავის მიმართულებით გზის მოწყობის სამუშაოებს ადგილზე გაეცნო.

აჭარის მთავრობის პრესსამსახურის ინფორმაციით, ასფალტო-ბეტონის საფარი 3 230 მეტრზე დაიგო, რაც მტირალას ეროვნული პარკის მიმართულებით ადგილობრივთა და ტურისტთა კომფორტულ გადაადგილებას შეუწყობს ხელს.  პროექტი გრძელდება და საბოლოო ჯამში 12 548 მ2 გზის მოასფალტებას ითვალისწინებს.

„აღსანიშნავია, რომ მტირალას პარკი აჭარაში ერთ-ერთი ყველაზე ვიზიტირებული ადგილია, რა მიმართულებითაც გადაადგილება დაზიანებული გზების გამო გართულებული იყო.

აღნიშნული პროექტის ფარგლებში გზისა მოასფალტების გარდა მოეწყო ბეტონის საყრდენი კედლები, გაბიონები, სამი ახალი ხიდი და ჩატარდა ორი არსებული ხიდის რეაბილიტაცია.

მსხვილი ინფრასტრუქტურული პროექტისთვის ბიუჯეტიდან 1 მილიონ 234 ათას ლარამდე გამოიყო.

აჭარის ა.რ. საავტომობილო გზებისა და სამელიორაციო სისტემების მართვის დეპარტამენტის 2018 წლის ბუჯეტით ქობულეთის მუნიციპალიტეტში გათვალისწინებულია 29,790 კმ ასფალტო/ბეტონის საფარის მოწყობა 14 მიმართულებით, 9 ახალი ხიდის მშენებლობა და 2 არსებული ხიდის რეაბილიტაცია, ასევე 76 ერთეული ხელოვნური ნაგებობების მშენებლობა-მოწყობა.

ქობულეთის მუნიციპალიტეტში 2018 წელს საგზაო ინფრასტრუქტურული პროექტებისთვის გამოყოფილია 18 224 785 ლარი“, - აცხადებენ აჭარის მთავრობაში.

(NS)

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”