2015-06-04 15:35:34, 502 ნახვა
პოლიტიკა
თინათინ ხიდაშელმა რაიმონდს ვეიონისს პრეზიდენტად არჩევა მიულოცა
საქართველოს თავდაცვის მინისტრმა თინათინ ხიდაშელმა რაიმონდს ვეიონისს ლატვიის პრეზიდენტად არჩევა მიულოცა და წარმატებები უსურვა.
„ვულოცავ ჩემს უკვე ყოფილ კოლეგას. დიდ წარმატებებს და მშვიდობას ვუსურვებ მის ქვეყანას და მსოფლიოს“, - განაცხადა ხიდაშელმა.
მინისტრმა იმედი გამოთქვა, რომ ორ ქვეყანას შორის თანამშრომლობა ისეთივე მჭიდრო და ინტენსიური იქნება, როგორც მისი თავდაცვის მინისტრობის დროს.
პრეზიდენტად არჩევამდე რაიმონდს ვეიონისს თავდაცვის მინისტრის თანამდებობა ეკავა. ლატვია საპარლამენტო რესპუბლიკაა, რომლის პრეზიდენტიც სეიმის მიერ ოთხ წელიწადში ერთხელ ირჩევა. რაიმონდს ვეიონისმა ამ თანამდებობაზე ანდრის ბერზინში შეცვალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
