თინა ხიდაშელი: საჰაერო თავდაცვის სისტემის თემაზე თავის დროზე იმაზე მეტი ისაუბრეს, ვიდრე შეიძლებოდა და არ მინდა მეც იმ რიგში ჩავდგე

2015-06-02 18:19:13, 444 ნახვა

პოლიტიკა

საქართველოს თავდაცვის მინისტრი თინა ხიდაშელი საჰაერო თავდაცვის სისტემის საკითხზე დამატებითი კომენტარის გაკეთებისგან თავს იკავებს.

როგორც ხიდაშელმა ჟურნალისტებს განუცხადა, ეს თემა სახელმწიფო საიდუმლოების შემცველია და ამიტომ, მასთან დაკავშირებით საუბარი მიზანშეწონილად არ მიაჩნია.

„ამ თემებზე მეტ კომენტარს აღარ გავაკეთებ.ვინც თავის დროზე ამაზე ისაუბრა, ისაუბრა იმაზე მეტი, ვიდრე შეიძლებოდა რომ ესაუბრა. ამიტომ, მეც არმინდა რომ იმ რიგში ჩავდგე.ეს არის ჩვენი ქვეყნისთვის უმნიშვნელოვანესი, სტრატეგიული მნიშვნელობის საკითხი და ეს არის ის თემა, რომელიც თუკი რამეს დავახარისხებთ სწორედ არის სახელმწიფო საიდუმლოება. მაიტომ, მესმის, თქვენი ინტერესი სრულიად ლეგიტიმური და აბსოლუტურად სწორია, მაგრამ ჩემიც უნდა გაიგოთ, რომ მე ამაზე ბევრს ვერ ვილაპარაკებ“,-განაცხადა თინა ხიდაშელმა.

შეგახსენებთ, თინა ხიდაშელმა განაცხადა, რომ კონტრაქტს, რომელიც საფრანგეთთან საჰაერო თავდაცვითი იარაღის და საჰარეო თავდაცვითი სისტემის შესყიდვას გულისხმობს, ხელს მოაწერს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან