ნიო-იორკის გენერალურმა პროკურორმა, ბარბარა ანდერვუდმა, მასშტაბური და სისტემატიური კანონდარღვევის ბრალდებით, აშშ-ის პრეზიდენტს დონალდ ტრამპს, მის ფონდსა და სამ შვილს სასამართლოში უჩივლა.

ამასთან პროკურატურამ დონალდ ტრამპის საქველმოქმედო ორგანიზაცია Trump Foundation-ის წინააღმდეგ საქმე აღძრა. 

BBC-ის ცნობით, ბარბარა ანდერვუდი აცხადებს, საქველმოქმედო ორგანიზაცია 2016 წლის საპრეზიდენტო არჩევნებზე ზეგავლენის მოხდენის მცდელობის გამო „უკანონო პოლიტიკურ კოორდინაციას“ აწარმოებდა. 

კერძოდ, ორგანიზაცია მის სახელს და ფონდს დონალდ ტრამპის კანდიდატურის მხარდასაჭერად იყენებდა. აღნიშნული აქტივობები კი თავად დონალდ ტრამპისგან იყო ნაკარნახევი.

სარჩელში ნათქვამია, რომ ტრამპის კუთვნილი გოლფკლუბისა და კურორტის სამართლებრივი დავის მოსაგვარებლად ფონდმა 258 ათასი დოლარი გადაიხადა.

ამასთან, ფონდმა დონალდ ტრამპის პორტრეტისთვის, რომელიც ერთ-ერთ გოლფკლუბში დაკიდეს, 10 ათასი დოლარი გამოყო. 

პროკურორი მოითხოვს, რომ ნიო-იორკის შტატში დონალდ ტრამპს ნებისმიერი არაკომერციული ორგანიზაციის ხელმძღვანელობა ათი წლის განმავლობაში აეკრძალოს.  ხოლო მის შვილებს ერთი წლის განმავლობაში. 

პროკურატურის ბრალდებას უარყოფენ საქველმოქმედო ორგანიზაციაში. მისი წარმომადგენლები აცხადებენ, რომ პოლიტიკურად მოტივირებულ ქმედებებში გარეულები არასდროს ყოფილან.
ბრალდებას გამოეხმაურა დონალდ ტრამპიც. ამერიკის შეერთებული შტატების პრეზიდენტმა განაცხადა, რომ საქველმოქმედო ორგანიზაციაში იმაზე მეტი თანხა გადარიცხა, ვიდრე თავის დროზე დაიხარჯა.

ავტორი: ,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები