ხორავას ქუჩაზე მოკლული მოზარდის მამას, ზაზა სარალიძესა და პარლამენტის დროებითი საგამოძიებო კომისიის წევრებს შორის შეხვედრა დასრულდა.

სარალიძის თქმით, შეხვედრზე საქმის კონკრეტულ დეტალებზე ისაუბრეს, რადგან კომისიის წევრები საქმის მასალების ნაწილს უკვე გაეცნენ.

„ვთანამშრომლობ და ვითანამშრომლებ მაქსიმალურად კომისიასთან. გავიარეთ რაღაც დეტალები, ძალიან დამაჯერებელ დეტალებზე ვისაუბრეთ. კომისიამ დაიწყო უკვე საქმის მასალების გაცნობა. იმედია საბოლოო ჯამში მაინც მივაღწევთ ჭეშმარიტებას“, - განაცხადა სარალიძემ.

რაც შეეხება აქციას, მისი თქმით, შესაძლოა ხალხს აქციების დროებით შეწყვეტისკენ მოუწოდოს.

„აქციაზე ახლა ჩავდივარ და გადავხედავ სიტუაციას. შესაძლებელია მოვუწოდო ხალხს რომ ცოტახნით შევისვენოთ. იმიტომ რომ დღეს ძალიან ბევრი გაურკვეველი სიტუაცია მოხდა ზალოვანი სტრუქტურებიდან. ამ თემაზე გენინსექციაში მეც ვარ დაბარებული და მისასვლელი ვარ და ძალიან ბევრი საქმეა დღევანდელი დღიდან გამომდინარე გამოსაძიებელი. თუნდაც კუპრავას არასწორი დაკავება, თუნდაც ის ინციდენტი, რაც მოხდა სასადილოში და ფაქტიურად ამ საქმეებზე ვარ სარბენი, რომ აბსოლუტურად მივადევნო ყველაფერს თვალი“,- განაცხადა სარალიძემ.

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times