პრემიერ-მინისტრის სპეციალური წარმომადგენლის რუსეთთან ურთიერთობის საკითხებში ზურაბ აბაშიძის განცხადებით, რუსებმა ჯაშუშობის ბრალდებით რამდენიმე ქართველი გაათავისუფლეს.

თუმცა, როგორც მან ჟურნალისტებს განუცხადა, პატიმრობაში კიდევ რამდენიმე მათგანია დარჩენილი და ვარაუდობს, რომ ისინიც მალე გათავისუფლდებიან.

აბაშიძის თქმით, ამ საკითხთან დაკავშირებით საუბარი რუსეთის საგარეო საქმეთა მინისტრის მოადგილე გრიგორი კარასინთან შეხვედრაზე იქნება.

"კარასინთან შეხვედრაზე საუბარი იქნება ჰუმანიტარულ საკითხებზე... ჩვენი მოქალაქეების საქართველოში დაბრუნებაზე, რომლებიც რუსეთში ჯაშუშობის ბრალდებით სასჯელს იხდიან. რამდენიმე მათგანი გავათვისუფლეთ, კიდევ რამდენიმე პიროვნებაა დარჩენილი და ისინიც რაც შეიძლება მალე უნდა გავათვისუფლოთ", - აღნიშნა აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.