2018-06-09 12:16:56, 1203 ნახვა
სამართალი
გომბორზე, მიკროავტობუსი, რომლითაც ბავშვები ეკსკურსიაზე მიყავდათ, ხევში გადავარდა - არიან დაღუპულები
გომბორის უღელტეხილზე ავტოსაგზაო შემთხვევა მოხდა, რის შედეგადაც 4 ადამიანი დაიღუპა.
მიკროავტობუსი, რომლითაც თბილისიდან სკოლის მოსწავლეები ეკსკურსიაზე მიდიოდნენ, ხევში გადავარდა.
როგორც "ექსპრესნიუსს" შინაგან საქმეთა სამინისტროში განუცხადეს, გარდაცვლილებს შორის 1 არასრულწლოვანი, 2 ქალბატონი და 1 ახალგაზრდა გოგოა.
ადგილზე პოლიცია, სასწრაფო სამედიცინო და სამაშველო ჯგუფებია მობილიზებული.
მომხდარზე გამოძიება სსკ-ის 276-ე მუხლის მე-7 ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ორი ან მეტი ადამიანის სიცოცხლის მოსპობა).
![]()
ავტორი: ,
epn.ge (@expressnews.ge)
