ბაჰრეინის სამეფოს წამყვანი ავიაკომპანია „Gulf Air", რომელიც საქართველოს საავიაციო ბაზარზე 2017 წლიდან ოპერირებს, მიმდინარე წლის ზაფხულის სანავიგაციო სეზონის განმავლობაში თბილისის მიმართულებით საჰაერო მიმოსვლას გაზრდილი სიხშირით შეასრულებს.

კერძოდ, 19 ივნისიდან 11 სექტემბრამდე, „Gulf Air" ბაჰრეინი-თბილისი-ბაჰრეინის საჰაერო ხაზზე რეგულარულ ფრენებს კვირაში 5 სიხშირით შეასრულებს, ნაცვლად 3 სიხშირისა. ფრენები ყოველ ორშაბათს, სამშაბათს, ხუთშაბათს, პარასკევსა და შაბათს Airbus A320 ტიპის საჰაერო ხომალდით განხორციელდება. საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მიერ, ავიაკომპანიას გაზრდილი სიხშირით ოპერირების ნებართვა 30 მაისს მიენიჭა.

„Gulf Air" ახლო აღმოსავლეთის რეგიონში ერთ-ერთი უმსხვილესი ქსელის მქონე ავიაკომპანიაა, რომელიც ბაჰრეინის საერთაშორისო აეროპორტიდან 40-ზე მეტ საერთაშორისო მიმართულებას სთავაზობს მგზავრებს.

(NS)

ავტორი: ,

სოციალური ქსელები

აშშ ირანს 7 საათის განმავლობაში ბომბავდა

ამერიკის შეერთებულმა შტატებმა ირანის წინააღმდეგ ახალი სანქციები დააწესა

ოდესის სანაპიროსთან დაბომბეს გემი, რომელზეც აზერბაიჯანელები იმყოფებოდნენ

აშშ-ის კონგრესი ემზადება, ტრამპს მიანიჭოს უფლებამოსილება, დააწესოს 100%-მდე ტარიფები რუსული ნავთობის მყიდველებისთვის