სრულიად საქართველოს კათოლიკოს–პატრიარქმა ილია მეორემ ქადაგებისას ნაკურთხი, წმინდა  წყლის- აიაზმას მნიშვნელობაზე ისაუბრა.
როგორც პატრიარქმა ბრძანა, წმინდა წყალს უდიდესი მნიშვნელობა აქვს და ის ყველა ადამიანის ოჯახში უნდა იყოს.
ამასთან, უწმინდესმა მრევლს წმინდა წყლის გამოყენების წესებიც შეახსენა.

ილია მეორემ ქადაგებისას ყურადღება სახლ-კარისა და ოჯახების კურთხევაზეც გაამახვილა და აღნიშნა, რომ ხილული და უხილავი მტრებისგან თავდასაცავად, სახლ-კარი წელიწადში ერთხელ მაინც უნდა ეკურთხოს.

„დღეს,  ყოველი ჩვენთაგანი  ნაკურთხი წყლით, აიაზმით განიწმინდება. აიაზმა,  ეს არის ბერძნული სიტყვა, რაც ნიშნავს სიწმინდეს. ეს სიწმინდე ყოველი ადამიანის სახლში უნდა იყოს. დიდი აიაზმა ნათლისღების წინა და დღევანდელ დღეს ეკურთხება.  ეს წელიწადში ორჯერ ხდება. ეს წმინდა წყალი გამოულეველი უნდა გქონდეთ თქვენ, მთელ საქართველოსა და ყოველდღე ცოტ–ცოტა უნდა დალიოთ. დაასხურეთ  თქვენს სახლ– კარს, ეზოს, შვილებს, ამას აქვს  უდიდესი ძალა, მადლი.  ამიტომ  ვეცადოთ, რომ რაც შეიძლება ბევრი გქონდეთ წმინდა წყალი და თუ გამოგელევათ, დაუმატეთ სუფთა წყალი და იგივე წყალი იქნება განწმენდილი. დღეს განიწმინდება ყოველი ადამიანი, ჩვენი გული, გონება.  ჩვენ უნდა გვახსოვდეს, რომ ჩვენს გარშემო მრავალი ადამიანია, გაწმენდილი და ბოროტი გონებით. მრავალი ადამიანი შემოდის თვენს სახლებში და მათ ბოროტი სული მოჰყვებათ. ამიტომ, ყოველ წელს ერთხელ მაინც აუცილებლად უნდა აკურთხებინოთ თქვენი სახლი და კარმიდამო, შვილები, ოჯახი და ეს ხილული და უხილავი მტრებისაგან დაგიცავთ. ეს არის უდიდესი სასწაული, ამას ვერ ახსნის ვერავითარი კაცის გონება. მადლი სულისა წმინდისა გადმოდის ამ წყალზე და განიწინდება მთელი  მსოფლიო“, – ბრძანა პატრიარქმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა