ევროკომისიის პრეზიდენტის ჟან კლოდ იუნკერის განცხადებით, საქართველოს დამოუკიდებლობა ევროპული საზოგადოებისთვის ისტორიული მომენტია. 

როგორც იუნკერმა თავისუფლების მოედანზე სიტყვით გამოსვლისას აღნიშნა, მისთვის დიდი პატივია საქართველოს დამოუკიდებლობისადმი მიღძვნილ ღონისძიებებში მონაწილეობის მიღება. 

"ეს ისტორიული მომენტია მთელი ევროპული საზოგადოებისთვის. რა თქმა უნდა მშვიდობისთვის, თავისუფლებისთვის ბრძოლა არის დაუსრულებელი გზა და საქართველოს აქვს ამბიცია, რომ ევროპისკენ სვლა გააგრძელოს. თქვენ გადაწყვიტეთ, რომ აიღოთ თქვენი მომავალი საკუთარ ხელში და არასდროს შეჩერებულხართ დამოუკიდებლობისა და თავისუფლებისთვის ბრძოლაში. საბოლოო ჯამში თქვენ ყველაფერს მიაღწიეთ. მინდა ვთქვა, რომ მთელი საუკუნის განმავლობაში საქართველომ აამაღლა ის სულისკვეთება, რომელიც 1918 წლის 26 მაისს იქნა მიღებული ეროვნულ დონეზე. საბოლოო ჯამში საქართველომ თანამედროვე ბილიკზე სვლა დაიწყო. ქვეყანამ საკუთარი მომავალი თავისუფლების და დემოკრატიის პრინციპებზე ააშენა, გაითავისა ადამიანის უფლებათა დაცვის პრინციპები. ეს არ არის მხოლოდ სიტყვები და მისწრაფება. ჩვენთვის ეს არის თავდადებული მოღვაწეობის შედეგი. საქართველომ გაიზიარა ის ღირებულებები რომელთა შედეგადაც თქვენი ქვეყანა არის იქ სადაც ახლაა. დემოკრატია გახლავთ ის გზა, რომელსაც ქართულმა ერმა უპირატესობა მიანიჭა 1918 წელს და დღესაც ეს სულისკვეთება განსაზღვრას თქვენი ქვეყნის მომავალს. საქართველო ყოველთვის იყურებოდა ევროპისკენ და ევროპის ნაწილი იყო, გეოგრაფიულადაც ხართ დაკავშირებული ევროპასთან. იწყება ახალი თავი ჩვენს ურთიერთობაში. ევროკავშირმა მუდამ უნდა გამოუგზავნოს საქართველოს მესიჯი რომ ეს ყველაფერი არის სრულიად გამართლებული. არ შევწყვეტთ დახმარებას და გავაგრძელებთ იმის მხარდაჭერას რაც უკვე აშენებულია. ასი ათასობით ქართველმა გასულ წელს შეძლო ევროპაში სტუმრად ჩასულიყო - იმედი მაქვს, რომ მრავალი სტუდენტი ჩამოვა ევროპაში რათა ცოდნა აიმაღლონ. ჩვენ მუდამ გავუწვდით ხელს ერთმანეთს, მუდამ დავიცვათ საქართველოს სუვერენიტეტს და ტერიტორიულ მთლიანობას", - განაცხადა იუნკერმა. 

ავტორი: ,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს