„დღეს მთელი ქვეყანა განიწმინდება, ხილული და უხილავი მტერი დათრგუნულია“, - ამის შესახებ სრულიად საქართველოს კათოლიკოს პატრიარქმა უწმინდესმა და უნეტარესმა ილია მეორემ  სამების საკათედრო ტაძარში ქადაგებისას ბრძანა.

„დღეს, მთელი ქვეყანა განიწმინდება, ხილული და უხილავი მტერი დათრგუნულია, ბედნიერია ის ადამიანი, რომელიც თავის გულის კარს გააღებს და წმინდა სამება - მამა, ძე და სულიწმინდა შევა მის გულში და ჰყოფს სერობას. ყოველი ადამიანის გული უნდა გახდეს სავანე წმინდისა სამებისა. დღეს ჩვენ უნდა დავინახოთ ჩვენი სული, ჩვენი გონება. დავინახოთ ჩვენი უძლურება და ვთხოვოთ უფალს - უფალო შენი ვარ მაცხოვნე მე, ცოდვილი ვარ, მაგრამ მაცხოვნე, დღეს ყოველი ჩვენთაგანი ნაკურთხი წყლით  - აიაზმით განიწმინდება“, - ბრძანა უწმინდესმა.

ცნობისთვის, დღეს სამების ტაძარში ნათლისღების დღესასწაულთან დაკავშირებით საზეიმო წირვა-ლოცვა აღევლინა. ამასთან, პატრიარქმა წყალი აკურთხა, რასაც დიდი აიაზმა ეწოდება.

დღესვე უწმინდესი ათასამდე ბავშვს მონათლავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა