გორის მერის პირველმა მოადგილემ ტელეკომპანია „თრიალეთის“ ჟურნალისტს ბოდიში მოუხადა და თავისი სიტყვები უკან წაიღო.

გელა კაპანაძეს განცხადებების უარყოფა გორის რაიონულმა სასამართლომ 26 აპრილს დააკისრა. კაპანაძემ ჟურნალისტ მალხაზ მიქელაძეს 2017 წლის სექტემბერში პროვოკატორი უწოდა და ცილისმწამებლური განცხადებები გააკეთა, რომ თითქოს ჟურნალისტი „შენების მოძრაობის“ ინტერესებს ატარებდა.

მალხაზ მიქელაძემ სასამართლო დავა 2017 წლის ნოემბერში წამოიწყო. „ქართული ოცნების“ ოფისში 2017 წლის 21 სექტემბერს ჩაწერილი ინტერვიუს დროს ადგილი არ ქონია მალხაზ მიქელაძის მხრიდან ჩემს პროვოცირებას და აღნიშნული ფრაზა იყო სპონტანურად გამნოთქმული მოსაზერება, რომელიც მხოლოდ ჩემი მოსაზრება იყო და მალხაზ მიქელაძის, როგორც პიროვნულ, ისევე პროფესიული პატივისა და ღირსების შელახვას არ ემსახურებოდა.“ – განაცხადა გორის მერის პირველმა მოადგილემ გელა კაპანაძემ.

„ძალიან სასიხარულოა ის რომ გელა კაპანაძე გონს მოეგო და უკან წაიღო ის ცილისმწამებლური განცხადებები, რომელსაც გასულ წელს ჩემი მისამართით აკეთებდა. შეიქმნა პრეცენდენტი და ამის შემდეგ ხელისუფლების წარმომადგენლებს რაც მოესურვებათ ყველაფერს ვეღარ დააბრალებენ ჟურნალისტებს, რათა მათ უკვე იციან რომ სასამართლომ შესაძლოა განცხადებების უკან წაღება დააკისროს. „ – ამბობს მალხაზ მიქელაძემ.

ჟურნალისტის უფლებებს სასამართლოში ადამიანის უფლებათა ცენტრის იურისტი იცავდა.

ავტორი: ,

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს