„ხელისუფლება მეუბნება, რომ "შენ ხარ პირველი კატეგორიის მტერი და დაგსჯით"-ო", - ამის შესახებ საქართველოს ყოფილმა მთავარმა პროკურორმა მურთაზ ზოდელავამ ჟურნალისტებს პროკურატურაში მისი გამოკითხვიდან გამოსვლის შემდეგ განუცხადა. 

მურთაზ ზოდელავას თქმით, "ტელეიმედის" დარბევის საქმეზე ბრალდებული პირების მიმართაც "საქმე შეკერილია" და ხელისუფლება მას უებნება, რომ ამ ბრალდებულთა რიგებში თვითონაც ჩადგება.

„ამ საქმეზე ბრალდებულია მიხეილ სააკაშვილი, ვანო მერაბიშვილი, ზურაბ ადეიშვილი და საქმე არის აბსოლუტურად შეკერილი. არანაირი დანაშაული არცერთ ამ ადამიანს, რა თქმა უნდა, არ ჩაუდენია. უბრალოდ, ხელისუფლება მე მეუბნება, რომ "შენც ჩადგები მათ რიგში, შენ ხარ პირველი კატეგორიის მტერი და შენ დაგსჯით". ეს არის კონკრეტული მესიჯი, რომელიც მე მივიღე დღეს ხელისუფლებიდან", - განაცხადა ზოდელავამ.

ყოფილი პროკურორი აღნიშნავს,  რომ მთავარ პროკურატურაში მისი დაბარება მის პოლიტიკურ საქმიანობას უკავშირდება.

ცნობისთვის, მურთაზ ზოდელავას გამოკითხვასთან დაკავშირებით განცხადება დღეს მთავარმა პროკურატურამაც გაავრცელა. 

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის