აჭარის მთავრობის თავმჯდომარემ ზურაბ პატარაძემ, აჭარის უმაღლესი საბჭოს თავმჯდომარემ დავით გაბაიძემ, ქალაქ ბათუმის მერმა ლაშა კომახიძემ და საზოგადოების სხვა წარმომადგენლებმა 9 აპრილსდაღუპულ გმირებს პატივი მიაგეს.

ამ დღის აღსანიშნავად ხელისუფლების წარმომადგენლები ბათუმის სახელმწიფო უნივერსიტეტთან მდებარე სკვერში შეიკრიბნენ და 9 აპრილის მემორიალი ყვავილებით შეამკეს. შესრულდა ქართულისაგალობლები.

ზურაბ პატარაძის შეფასებით, 9 აპრილი საქართველოს უახლესი ისტორიის ერთ-ერთი ტრაგიკული და ამავდროულად, მნიშვნელოვანი თარიღია, რადგან ამ დღეს საფუძველი ჩაეყარა ქვეყნისდამოუკიდებლობას.

„მინდა გავიხსენო ის ადამიანები, რომლებმაც თავი შესწირეს ჩვენი ქვეყნის მომავალს, ჩვენი შვილების მომავალს. მათი სახელები იქნება უკვდავი. ჩვენ ყველას გვახსოვს 9 აპრილი, ეს იყო უმძიმესი წუთები ჩვენი ქვეყნის ისტორიაში. ყველაფერს გავაკეთებთ იმისათვის, რათა მომავალმა თაობამ იცოდეს ჩვენი ქვეყნის ერთიანობისთვის ვინ შესწირა თავი, თუ რა რთული მომენტები და რთული დრო აქვს განვლილი ჩვენს ქვეყანას. 2018 წლის აგვისტომდე ამ ადგილას გაიხსნება ახლი მემორიალი და გვექნება საშუალება ახალ მონუმენტთან მოვიგონიოთ მათი სახელები." - განაცხადა ზურაბ პატარაძემ

დღეს 1989 წლის 9 აპრილის ტრაგედიიდან 29 წელი შესრულდა. ამ დღეს, გამთენიისას, საბჭოთა კავშირის შეიარაღებული ძალების ნაწილებმა თბილისში, რუსთაველის გამზირზე, მშვიდობიანი საპროტესტოაქცია დაარბიეს, რასაც 21 ადამიანის სიცოცხლე შეეწირა.

ავტორი: ,

სოციალური ქსელები

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა

Reuters: ტრამპმა ნატოს ლიდერებს განუცხადა, რომ აშშ ალიანსში დარჩენას აპირებს

თიბისი კაპიტალმა მაკროეკონომიკური განახლება გამოაქვეყნა