სირიაში, აღმოსავლეთ ღუთაში, სადაც საომარი მდგომარეობაა, სასმელი წყალი მხოლოდ ხელისუფლების მხარდამჭერ მოსახლეობას დაურიგეს, - ამის შესახებ Middle East Eye იუწყება.

მედია საშუალების ინფორმაციით, სირიის პარლამენტის ერთ-ერთი დეპუტატი მოსახლეობას ქვეყნის პრეზიდენტის ბაშარ ალ-ასადის მხარდაჭერისკენ მოუწოდებს.

მედიამ აღნიშნული ფაქტის ამსახველი ვიდეო მასალაც გაავრცელა.

"დღეგრძელობა ბაშარ ასადს",- სწორედ ეს ფრაზა უნდა წარმოეთქვათ იმ ადამიანებს, რომლებსაც სასმელი წყლის მიღება სურდათ. პარლამენტარები ასევე შეკრებილებს ეკითხებოდნენ თუ ვინ იყო მათი პრეზიდენტი - მოქალაქეები კი, ადასტურებდნენ, რომ ეს ასადია.

გარდა ამისა, ვიდეოში კიდევ ერთი სამხედრო ჩანს, რომელიც აცხადებს, რომ ყველამ ბაშარ ასადისთვის, თუ ამის საჭიროება დადგა, სიცოცხლე უნდა გაიღოს. დადასტურების შემდეგ ადგილზე შეკრებილ მოსახლეობას წყალს აწვდიდნენ.

ავტორი: ,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები