წინასწარი მონაცემებით, იტალიის საპარლამენტო არჩევნებში ყველაზე მეტი მანდატი პოპულისტურმა მოძრაობამ "ხუთი ვარსკვლავი" მიიღო. მოძრაობას ხმა ამომრჩევლების 31.6%-მა მისცა, - ამის შესახებ BBC იუწყება.

მედია საშუალების ინფორმაციით, მეორე ადგილს ნაციონალისტური "ჩრდილოეთის ლიგა" იკავებს. მას ამომრჩევლების 18.2%-მა დაუჭირა მხარი. რაც შეეხება  ყოფილი პრემიერ-მინისტრის სილვიო ბერლუსკონის პარტიას "იტალია წინ" ამომრჩევლების 13.8%-მა მისცა ხმა. ცნობისთვის, "ლიგა" და ბერლუსკონის პარტია კოალიციის სახით მონაწილეობდნენ. საერთო ჯამში აღნიშნულმა კოალიციამ 268 სადეპუტატო მანდატი მოიპოვა, თუმცა უმრავლესობისთვის 316 მანდატის მიღებაა საჭირო.

მედიის ცნობით, მმართველმა დემოკრატიულმა პარტიამ დეპუტატთა პალატაში ხმათა 17%-ზე ნაკლები, ხოლო სენატში - 14% მიიღო. იტალიის პრემიერ-მინისტრის მატეო რენცის პარტიამ 120 მანდატი მიიღო.

აღსანიშნავია, რომ პერლუსკონის მიერ მართლი კოალიცია ევროკავშირის წინააღმდეგ გამოდის და ანტისაიმიგრაციო პოლიტიკის მქონეა.

იტალიის საპარლამენტო არჩევნების წინასწარ შედეგებს, საფრანგეთის "ნაციონალური ფრონტს" ლიდერი და პრეზიდენტობის ყოფილი კანდიდატი მარინ ლე პენი უკვე გამოეხმაურა: "ევროკავშირს ძალიან ცუდი საღამო ექნება", - წერს ლე პენი.

BBC წერს, რომ საბოლოო შედეგები დღეს საღამოს გახდება ცნობილი.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება