კიევში, უმაღლესი რადას შენობასთან გაშლილი ე.წ. კარვების ქალაქის დემონტაჟის დროს სამართალდამცველებმა საქართველოს მესამე პრეზიდენტის მიხეილ სააკაშვილის „სამეფო ტახტი“ იპოვეს, - ამის შესახებ უკრაინელი დეპუტატი ანტონ გერაშენკო Facebook-ის საკუთარ გვერდზე წერს და შესაბამის ფოტოს აქვეყნებს.

როგორც გერაშენკომ აღნიშნა, "ტახტი" ერთ-ერთი ტელესერიალის ატრიბუტიკას ჰგავს.

"უკრაინის პარლამენტთან ერთ-ერთ კარავში ნაპოვნია მიხეილ სააკაშვილის ტახტი, რომელიც ტელესერიალ „სამეფო კარის თამაშებში“ გამოყენებული ტახტის მიბაძვით არის გაკეთებული", - წერს ანტონ გერაშენკო.

გარდა ამისა, დეპუტატი იმ საბრძოლო მასალების ფოტოებსაც აქვეყნებს, რაც პოლიციამ კარვებში იპოვა.

სეგახსენებთ, რომ დღეს უკრაინის უმაღლეს რადასთან აქტივისტებსა და სამართალდამცველებს შორის დაპირისპირბის დროს 100-ზე მეტი ადამიანი დააკავეს. დღეს სამართალდამცველები ე.წ. კარვების ქალაქში ჩხრეკის ჩასატარებლად მივიდნენ, თუმცა მომიტინგეებმა მათ წინააღმდეგობა გაუწიეს. მოგვიანებით მათ მაინც შეძლეს კარვებში ჩხრეკის ჩატარება და Ф-1-ს და РГД-5-ის ტიპის 10 ხელყუმბარა და „მოლოტოვის კოქტეილები“ ამოიღეს.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება