საქართველოს პარლამენტის თავმჯდომარის ირაკლი კობახიძის განცხადებით, ნარკოპოლიტიკასთან დაკავშირებით პოზიციების შეჯერება მნიშვნელოვანია.

როგორც კობახიძემ აღნიშნა, აუცილებელია კანონპროექტის მიღება ძალიან მალე მოხდეს.

"ძალიან მალე უნდა შევაჯეროთ ეს პოზიციები, ძალიან მალე უნდა დაიწყოს კანონპროექტის საბოლოოდ განხილვა და მივიღოთ კანონპროექტი, რომელიც ეხება ნარკოპოლიტიკას საქართველოში. ჩვენ ამ სესიის განმავლობაში აუცილებლად გვესაჭიროება ამ კანონპროექტის მიღება, იმისათვის, რომ საბოლოოდ წარმატებით დასრულდეს ის დისკუსია, რომელიც საზოგადოებაში წარიმართება ნარკოპოლიტიკასთან დაკავშირებით.

მთავარია პოზიციების შეჯერება, დღემდე განსხვავებული მოსაზრებებია გუნდის შიგნით. აქაც იგივე სირთულეები გვაქვს, რაც საზოგადოებრივი მაუწყებლის შემთხვევაში. ჩვენ გვჭირდება სიღრმისეული არგუმენტები, ლიბერალური მიდგომის მომხრეებს და ნაკლებად ლიბერალური მიდგომის მომხრეებს. არც ერთი მხრიდან სიღრმისეული არგუმენტები ჩვენ ჯერჯერობით არ მოგვისმენია.

არის გარკვეული ზედაპირული დისკუსიები ამ საკითხებთან დაკავშირებით, თუმცა გვჭირდება მეტი სიღრმე, ასეთ შემთხვევაში უფრო მარტივად მივიღებთ გადაწყვეტილებას ნარკოპოლიტიკასთან დაკავშირებით",- განაცხადა კობახიძემ.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება