კავშირ „საფარის“ ხელმძღვანელი და ქალთა მოძრაობის წევრი ბაია პატარაია მიიჩნევს, რომ ნარკოპოლიტიკა სასწრაფოდ შესაცვლელია.

თუმცა, მისივე შეფასებით, „ნარკოპოლიტიკის  რეფორმის განხორციელებით, „ ნარკოტიკების ჩადების პრობლემა ვერ მოგვარდება“ და ამ უკანასკნელს პოლიტიკური ნება სჭირდება:

„ნარკოპოლიტიკა რომც მოგვარდეს,  ჩადებას არაფერი ეშველება, ამას სჭირდება პოლიტიკური ნება და რეფორმა შსს-ში. არ შევეგუებით და ბოლომდე ვიბრძოლებთ.მკაფიოა, რომ ეს კანონმდებლობა უნდა შეიცვალოს.  არც ერთ ნორმალურ ქვეყანაში არ არის ასეთი კანონმდებლობა, გაუგებარია,  რატომ აჯანჯლებენ  აქამდე“,-განაცხადა ბაია პატარაიამ თბილისში, რუსთაველის გამზირზე მდებარე პარლამენტის შენობასთან, სადაც გიორგი გიორგანაშვილის მხარდამჭერი აქცია მიმდინარეობს.

ბაია პატარაია სამოქალაქო  დაუმორჩილებლობაზე საუბრობს.

„მთელი საზოგადოება თუ შეურთდა სამოქალაქო დაუმორჩილებლობას,  იქნება კრიზისი და მთავრობას და პარლამენტს უნდა ეყოს ჭკუა,  არ მიიყვანოს ქვეყანა აქამდე. ამ აქციამ უნდა აჩვენოს საზოგადოების ერთიანობა და სოლიდარობა“,-აღნიშნავს ბაია პატარაია.

შეგახსენებთ, თბილისის საქალაქო სასამართლომ გიორგი გიორგანაშვილი, იგივე "ბახალა" დამნაშავედ სცნო და მას 8 წლით თავისუფლების აღკვეთა მიუსაჯა.

გიორგანაშვილი დიდი ოდენობით ნარკოტიკული ნივთიერების, ბუპრენორფინის შენახვის ბრალდებით 2017 წლის იანვარში დააკავეს, თუმცა პატიმრობიდან 20 000 ლარიანი გირაოს სანაცვლოდ იყო გათავისუფლებული. გიორგი გიორგანაშვილი ბრალს არ აღიარებს და ამბობს,  რომ ნარკოტიკი ჩაუდეს.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება