გმირთა მოედანზე მომხდარ დაჭრაში ბრალდებულ საბა სამუშიას ადვოკატის ირმა შალამბერიძის განცხადებით, მისი დაცვის ქვეშ მყოფს მრავლობითი დაზიანება აღენიშნება.

როგორც ადვოკატმა აღნიშნა, დაცვის მხარე ჯანმრთელობის მდგომარეობის დასადგენად ექსპერტიზასაც მოითხოვს.

"დაზიანება აქვს მიყენებული მარჯვენა მხარზე, ნაკბენი აქვს დიდი მოცულობის. როგორც თვითონ მითხრა მკლავიც ამოვარდნილი ჰქონდა. ყველაფრის ტკივილებს უჩივის. ექიმს მივმართეთ. მარჯვენა ლოყაზეც აქვს დაზიანებები. გუშინვე დავწერეთ შუამდგომლობა, რომ ექსპერტიზა ჩაუტარდეს ჯანმრთელობის მდგომარეობის დასადგენად", - აღნიშნა შალამბერიძემ.

შეგახსენებთ, რომ 17 იანვარს, გმიერთა მოედანზე მდებარე რესტორან "აღაში" ურთიერთშელაპარაკების დროს 3 პირი დაიჭრა. ისინი საავადმყოფოში გადაიყვანეს. ერთ-ერთი დაშავებულის მდგომარეობა ამ დრომდე მძიმეა. რაც შეეხება თავდამსხმელს, ის გავრცელებული ინფორმაციით, ერთ-ერთი ანსამბლის მომღერალია, რომელიც იმ ღამეს რესტორანში მღეროდა. გამოძიება სსკ-ის 120-ე მუხლით მიმდინაროებს, რაც განზრახ მსუბუქ დაზიანებას გულისხმობს.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი