გენერალ სამსონ ქუთათელაძის მკვლელობის საქმეზე დაკავებული გიორგი ჭანტურიას დის, მარიამ ჭანტურიას განცხადებით, ოჯახს იმედი აქვს, რომ სამართალდამცველი ორგანოები მის ძმასთან მიმართებაში სამართლიან და ობიექტურ გადაწყვეტილებას მიიღებენ.

ამასთან, მარიამ ჭანტურიამ აღნიშნა, რომ სხვა განცხადებების გაკეთებისგან ის თავს შეიკავებს.

"ველოდებით, დიდი იმედი გვაქვს და არ ვერევით სამართალდამცავი ორგანოების საქმიანობაში. იმედი გვაქვს, რომ სამართლიან და ობიექტურ გადაწყვეტილებას მიიღებენ. მამაჩემი თავის პოზიციას 18:00 საათის შემდეგ დააფიქსირებს, ბრალის წარდგენის შემდეგ, თუ რა თქმა უნდა მოხდება ბრალის წარდგენა", - განაცხადა დაკავებულის დამ.

ცნობისთვის, გიორგი ჭანტურია, რომელიც ე.წ. სტამბოლის ბაზრობის ყოფილი მეწილეა, გუშინ დააკავეს. ის რამდენიმე საათის განმავლობაში იკითხებოდა. ჭანტურიას ბრალი სისხლის სამართლის კოდექსის 236-ე მუხლის მეორე ნაწილით  აქვს წარდგენილი, რაც ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა-შენახვა-ტარებას გულისხმობს.

შეგახსენებთ, რომ რუსთავში, ე.წ. სტამბოლის ბაზრობის ერთ-ერთი მეწილე სამსონ ქუთათელაძე 15 იანვარს მოკლეს. მომხდარზე გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას  გულისხმობს.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი