„აფგან მუხთარლის საქმე არის თემა, რომელსაც შენ ვერ გადაფარავ რაიმე იაფფასიანი პიარ აქციით, ეს არავის დაავიწყდება“, - ამის შესახებ საქართველოს პრეზიდენტმა გიორგი მარგველაშვილმა გადაცემა „არჩევნაში“ განაცხადა.

როგორც მან აღნიშნა, მომხდარზე  პრობლემების აღიარება სწორი იქნებოდა, თუმცა ეს არ მოხდა:

”მუხთარლის თემაზე მაშინვე ვთქვი, რომ სასწრაფოდ უნდა მივცეთ რეაქცია. ეს არის თემა, რომელსაც შენ ვერ გადაფარავ რაიმე იაფფასიანი პიარ აქციით, რომელსაც მედიიდან გააქრობ და 2-3 დღეში ვინმეს დაავიწყდება. ეს არავის დაავიწყდება. პოლიტიკოსებს რატომღაც ასეთი დამოკიდებულება აქვთ, რომ არაუშავს დაავიწყდებათ. რა თქმა უნდა მუხთარლის საქმეზე თუნდაც მძიმე პრობლემების აღიარება იქნებოდა სწორი, თუმცა, როგორც ყოველთვის, დამოკიდებულება იყო, რომ არაუშავს. მაშინ მართლაც ისეთი რაღაცეები ზოგიერთმა თანამდებობის პირებმა, მართლა გადაფარეს საკუთარი ოდიოზურობით ეს ტრაგედია, მაგრამ ამას არავინ დაივიწყებს. მე სწრაფ პასუხს ამ საქმეზე აღარ ველოდები, რადგან იმ ადამიანებმა, ვისი პოლიტიკური ლოგიკაც სირაქლემას პოზას ჰგავს, ასეთი აზროვნების ლოგიკა არასდროს იძლევა პასუხებს”, - აღნიშნა მარგველაშვილმა.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი