კლუბ „ბასიანის“ დაცვის სამსახურის უფროსმა, ზვიად მესხმა თბილისის პროკურატურა დატოვა.

როგორც მესხმა საგამოძიებო უწყების დატოვების შემდეგ ჟურნალისტებს განუცხადა, სამართალდამცველებს მისთვის კითხვები არ დაუსვამთ და მხოლოდ საქმის მასალებს გაეცნო.

„კითხვები არაფერი არ ჰქონიათ სამართალდამცავებს, უბრალოდ საქმის ვითარებაში ჩამაყენეს, გამაცნეს მთლიანად საქმის მიმდინარეობა, კურსი. კითხვები გამიჩნდა, თუმცა კონკრეტულად ახლა ვერ ვისაუბრებ, არ შემიძლია. არაფერი შეუსაბამობა არ იყო, უბრალოდ დამიბარეს და გამაცნეს რაც ხდება დღეს“, - განაცხადა მესხმა.

შეგახსენებთ, 13 იანვარს, კლუბ „ბასიანთან“ მომხდარი ინციდენტის დროს, მოქალაქე თ.ქ.-მ შსს 1 და ობიექტის დაცვის 2 თანამშრომელი ცივი იარაღით დაჭრა. ბრალდებულის დაკავება დანაშაულის ადგილზე მოხდა. მას ბრალი წარედგინა საქართველოს სისხლის სამართლის კოდექსის სამი მუხლით. პროკურატურამ აღკვეთის ღონისძიების სახით პატიმრობა მოითხოვა და თბილისის საქალაქო სასამართლოს გადაწყვეტილება, გირაოს გამოყენების შესახებ, სააპელაციო სასამართლოში გაასაჩივრა.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი