საქართველოს პრეზიდენტი გიორგი მარგველაშვილი ნატოს გენერალურ მდივანს იენს სტოლტენბერგს შეხვდა.

შეხვედრისას მხარეებმა საქართველოს ევრო-ატლანტიკური ინტეგრაციის პერსპექტივები, რეგიონში არსებული უსაფრთხოების გამოწვევები და  ერთობლივი საერთაშორისო მისიები განიხილეს.

გიორგი მარგველაშვილმა სახელმწიფოს მეთაურის რანგში, ნატო-ში პირველი  ვიზიტისას აქცენი გააკეთა იმ პროგრესზე, რომელიც საქართველომ ალიანსთან ინტეგრაციის გზაზე განიცადა. საუბრის თემა ასევე იყო ის გამოწვევები, რომლის წინაშეც საქართველო დგას. გიორგი მარგველაშვილმა ხაზი გაუსვა რუსეთის დესტრუქციულ ქმედებებს, საოკუპაციო ზოლში მავთულხლართების ინსტალაციის გაგრძელებას და ეგრეთ წოდებული ხელშეკრულებების გაფორმებას საქართველოს ოკუპირებულ ტერიტორიებთან. ქვეყნის პირველმა პირმა მადლობა გადაუხადა იენს სტოლტენბერგს იმ მხარდაჭერისთვის, რასაც ნატო იჩენს საქართველოს ინტეგრაციის გზაზე და ასევე იმ განცხადებებისთვის, რომელიც ნატოს გენერალურმა მდივანმა ეგრეთ წოდებული ხელშეკრულებების გაფორმების შეფასებისას გააკეთა.

ნატოს შტაბ-ბინაში გამართულ შეხვედრაზე ლიდერებმა განსაკუთრებული ყურადღება გაამახვილეს საქართველოს შიეარაღებული ძალების მონაწილეობაზე საერთაშორისო მისიებში და მათ წვლილზე საერთაშორისო უსაფრთხოების უზრუნველყოფაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა