ირანში მასშტაბური ანტისამთავრობო აქციები უკვე რამდენიმე დღის განმავლობაში გრძელდება. აქციების შედეგად თეირანსა და რამდენიმე მსხვილ ქალაქში 22 ადამიანი დაიღუპა, - ამის შესახებ 'რია ნოვოსტი" იუწყება.

მედია საშუალების ინფორმაციით, აქციები ქვეყანაში 28 დეკემბერს დაიწყო. ხელისუფლება ქვეყანაში არსებულ სოციალურ და ეკონომიკურ პრობლემებს აღიარებს, თუმცა აცხადებს, რომ საპროტექტო ტალღა ირანში გარე ძალების მიერაა პროვოცირებული. კერძოდ კი, ქვეყნის პრეზიდენტის, ჰასან როუჰანის განცხადებით, აქციები შიდა პრობლემებით და გარე ძალების წაქეზებით არის გამოწვეული.

მედიის ცნობით, დემონსტრანტების წინააღმდეგ იყენებენ ცრემლსადენ გაზს და წყლის ჭავლს. მარტო თეირანში, სამი დღის განმავლობაში 450-მდე ადამიანია დაპატიმრებული.

გამოსვლები ფასების ზრდის გამო დაიწყო, შემდეგ პოლიტიკური ლოზუნგებიც გაჩნდა. ოფიციალური თეირანი დემონსტრანტების წაქეზებაში აშშ-ს და მის მოკავშირეებს ადანაშაულებს.

ცნობისთვის, საპროტესტო აქციების პროცესში ირანში Instagram-ი და Telegram-ი დაბლოკეს.

ამერიკის პრეზიდენტმა დონალდ ტრამპმა საპროტესტო გამოსვლების მონაწილეებს მხარი დაუჭირა. "ბოლოსდაბოლოს ხალხი მიხვდა, რომ მათ ფულს და სიმდიდრეს იპარავენ და ტერორისტებს უგზავნიან", - წერს აშშ-ის პრეზიდენტი. 

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს