"იმ ტრაგედიის ფონზე, რაც ქობულეთში მოხდა, უსაფრთხო გარემოზე უფრო მეტად ვიწყებთ ფიქრს",- ასე გამოეხმაურა საქართველოს პრლამენტის თავმჯდომარე დავით უსუფაშვილი ქობულეთში ხანძრის შედეგად  3 ბავშვის დაღუპვას.
უსუფაშვილის შეფასებით, საქართველოში სახანძრო სისტემაზე დიდი რესურსი უნდა დაიხარჯოს, რათა მსგავსი ფაქტები აღარ გამეორდეს.
"გუშინ ქობულეთში მომხდრი ტრაგედიის ფონზე, ბუნებრივია,  ყველა ასეთ დროს უფრო მეტად ვიწყებთ ფიქრს იმ თემებზე, რასაც უსაფრთხო გარემო ჰქვია. ეს იქნება სახანძრო უსაფრთხოება, თუ სხვა. ევროპაც პირველ რიგში, ალბათ, სწორედ ეს არის, სადაც ძალიან ბევრი რესურსი იხარჯება იმისათვის, რომ მსგავსი მოვლენები არ მოხდეს. როდესაც ჩვენ ვმოგზაურობთ უცხოეთში და ვხედავთ იმ სახანძრო სისტემებს, მეც ბევრჯერ გამჩენია განცდა, რომ ღირს ამდენი თანხის ხარჯვა ამ ხანძრის მაქრობლებზე და ა.შ. და გუშინ ჩვენ მივიღეთ პასუხი- დიახ ღირს. ჩვენ ამ თვალსაზრისით ეს სტანდარტები აუცილებლად უნდა გავითვალისწინოთ,  რათა ადამიანები უსაფრთხო გარემოში ცხოვრობდნენ და მსგავსი რამ არ ხდებოდეს. ეს ერთ-ერთი ის თემაა, რომელშიც ჩვენი კოლეგებისგან ძალიან ბევრი სწავლა გვმართებს",-განაცხადა დავით უსუფაშვილმა.
შეგახსენებთ, გუშინ,  05:00 საათზე,  ქობულეთში, აღმაშენებლის ქ. N358-ში, მდებარე სასტუმროს „არმაზი“ ხანძარი გაუჩნდა. იმ დროს სასტუმროში ქ. რუსთავის ქორეოგრაფიული ანსამბლის 35 ბავშვი იმყოფებოდა, რომლებიც ბათუმში მუსიკალურ ფესტივალში მონაწილების მისაღებად ჩავიდნენ. ხანძარს 3 ბავშვი ემსხვერპლა. სავარაუდოდ ხანძარი იმ ოთახში განჩნდა, სადაც დაღუპულები იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა